Manufahi RKM news— segunda-feira (13/06) ohin, Funsionáriu voluntáriu na’in 7 iha dirasaun munisipal transporte trestre Munisípiu Manufahi (DMTT), voluntáriu tinan 4 to’o tinan 5, maibé to’o agora seidauk hetan kontrátu husi parte relevante.
Funsionáriu Voluntáriu DMTT Siquito Barreto Perreira no Olandina da Silva Amaral informa ba Jornalista katak,sira na’in 7 servisu durante ne’e la iha vensementu maske servisu tempu naruk.
“simmm ami senti triste tamba durante ne’e ami esforsu hodi ajuda servisu DMTT ni’an hodi hatama rendementu ba kofre estadu maibé ami servisu la iha buat ruma hodi responde nesesídade ami nian”haktuir volunatáriu DMTT iha sira nia kna’ar fatin
Nune’e mós Justino Mali-Mau da Costa Gusmao hanesan voluntariu reforsa tan katak ami na’in 7 ne’ebé servísu voluntáriu.
“ami na’in 7 ne’e rua feto ida mane ida voluntáriu husi tinan 2016, no na’in 5 seluk voluntáriu hahú tinan 2018, maibé to’o agora la hetan kontrátu, maske ami nia Dokumentu no ami nia preokupasaun ba kontrátu hato’o ona ba Minístériu relavante, maibé to’o agora la iha resposta”
Nia hatutan ho preokupasaun ne’e administardor Munisípiu rasik halo ona karta direitamente ba Minístériu relavante maibé la iha solusaun.
“tanba ne’e ami ezíji ba Ministériu relavante hodi tau atensaun ba ami nia dedikasaun hodi fo netik kontratu ba ami na’in 7 tamba ami mós sidadaun Timor oan ho ida ne’e nu’udár sidadaun ida perciza tulun malu hodi responde ami nia nesesídade.
Hatan ba preokupasaun hirak ne’e,diretúr DMTT Munisípiu Manufahi, Faustinho Soares hateten dirasaun refere halo ona esfórsu hatama sira nia Dokumentu ba Ministériu atu fo kontrátu, maibé seidauk iha solusaun tanba la iha orsamentu.
Ho situasaun hirak ne’e ha’u sei esforsu nafatin ba sira nia direitu nune’e iha tinan oin ami sei tau orsamentu hodi fo kontrátu ba sira.
Administardór Munisípiu Manufahi Arantes Isaac Sarmento informa, funsionáriu voluntáriu na’in 7 ne’e presisa duni hetan atensaun, tanba durante ne’e sira ajuda ona governu hodi fo atendementu ba komunidade sira husi Munisípiu Manufahi,Covalima,Ainaro no Manatutu, hodi hatama ona rendementu ba estadu.
“ho situasaun ne’e hanesan servidór povu iha Manufahi sei kontinua esforsu hodi buka solusaun ba problema hirak ne’e”
Nia haktuir relasiona ho preukupasaun ne’e administardór rasik halo ona karta ba Ministériu relavante, no Ministériu haruka ona ekipa ida mai i foti informasaun ba funsionáriu voluntáriu na’in 7 ne’e, maibé to’o agora seidauk iha solusaun.
“ iha tinan hirak liu ba administrasaun préve orsamentu atu fó kontratu maibé orsamentu ne’e la liu iha diskusaun iha nivel nasionál”
Ho problema hirak ne’e administrasaun munisípiu kontinua esforsu iha tinan oin nafatin préve orsamentu fó kontrátu ba funsionáriu voluntáriu na’in 7 ne’e.(esm)
