Sunday, February 25, 2024
spot_imgspot_img
HomeNotisiaXéfi  Suku Clacuk lori ba halo’ot ona iha semiteriu

Xéfi  Suku Clacuk lori ba halo’ot ona iha semiteriu

Autoridade Manuel Saramentu

 

Manufahi RKM News—segunda feira ( 13/06) hurseik,Xéfi suku Clacuc postu administrativu Fatuberliu, eis katekísta no veteranu 8 a 14 Manuel Sarmento, fila hikas ba Maromak nia kadunan Santo iha loron Sesta-feira (10/06) ne’e.

 

iha selébrasaun misa Requem iha Igreiza Parokia Sáo Francisco de Asis Wekiar Fatuberliu padre Parókia Eugenio Perreira OFM iha nia omília ba sarani sira hateten, Matebian Manuel Sarmento ninia dedikasaun ba Sarani Parokia Fatuberliu durante tinan naruk.

“ molok asúme kargu hanesan xefi suku Clacuc, tanba ne’e tuir planu parte Igreiza iha tinan oin sei fó sertifikádu apresiasaun ba matebian nia dedikasaun, maibé matebian hetan ona prémiu moris rohan laek husi Nai Maromak”haktuir homília

 

Iha serimónia funébre ne’ebé realiza iha semiteriu suku Clacuc postu administrativu Fatuberliu Segunda-Feira (13/06 ohin lokraik, matebian nia subriñu Andre Alfredo Moníz Amaral, lé sai matebian nia biográfia, matebian Manuel Sarmento tinan 69, moris iha 28 fulan Maiu tinan 1957 iha knua  Webikas Clacuc Fatuberliu.

Matebian iha   oan na’in 7, oan na’in rua mate no matebian husi hela oan na’in 5 ho feen faluk no maun alin na’in 3 no feton.

Saudózu remata nia estúdu 4 klase  iha eskola misaun soibada Munisípiu Manatuto, Saudózu  hetan fiar no kaer knár nudar forsa setór  Falintil Iha tinan 1975 to’o tinan 1978, tinan1980 to’o 1990 hanesan katekista, tinan 1990 to’o 1995 membru konsellu suku Clacuc, tinan 1995 to’o 2010 asúme kargu Sekretáriadu suku,  Iha tinan 2010 to’o 2014 hanesan katuas lia na’in iha suku Clacuc, involve iha rede klandestina hahu husi tinan 1991 to’o 1999.

 

Tinan 2015 to’o 2022  saudózu povu hili sai hanesan Séfi suku Clacuc postu Fatuberliu,to’o hakotu nia misaun iha mundu rai klaran, iha loron 10 fulan-Júnu tinan 2022, tanba hetan moras.

Administardór Munisípiu Manufahi Arantes Isaac Sarmento, hato’o laran triste tanba familia lakon sefi familia di’ak ida, estadu mós lakon lideransa komunitária ida, no veteranu di’ak ida ne’ebé kontribui ba libertasaun nasionál.

“saudózu  merese duni hetan atensaun husi estadu realiza serimónia funebre, hanesan servidór iha Manufahi husu atu banati tuir spriritu saudózu nian ne’ebé hatudu ona ba povu iha rai Fatuberliu”

Lori governu husu deskulpa ba povu Clacuc, durante saudózu hanesan lideransa komunitária iha prosesu atendementu ne’ebé la dun di’ak ba povu iha suku Clacuc.

prezidenti konselho Veteranu intrega hela Bandeira ba Saudozu nia oan mane

Presidenti konsellu munisipal libertasaun nasionál Munisipiu Manufahi,Tobias Amaral Magno (Maksakur) hateten, reprezenta veteranu hotu-hotu hato’o sentídu kondolénsia ba familia, saudózu ho kódiku Morai, ne’ebé durante rejisténsia kontribui ona ba libertasaun nasionál, no iha tempu independensia kontribui mós ba dezenvolvimentu iha rai Manufahi.

Entretantu partisipa iha serimónia funébre ne’e autóridade Munisípiu,postu suku no aldeia, padre no madre,Polísia no F-FDTL, funsionáriu públiku katuas lisan sira, lideransa komunitária inklui familia no Komunidade sira.

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING SEMANAL

Uma Kain 24 Iha Sukaer Oan La Dauk Hetan Be’e Mos No linha Elektrisidade

Manufahi RKM News====uma kain 24 No populasaun 99 Iha Aldeia Sukaer Oan Suku Kaikasa Postu Administrativo Fatuberliu Munisipiu Manufahi La dauk assesu Ba Be’e...
0
Would love your thoughts, please comment.x
()
x