Friday, June 21, 2024
spot_imgspot_img
HomeNotisiaGovernu Sei Apoio Inisiativa Komunidade Habokur Karau Iha Fatuberlihu

Governu Sei Apoio Inisiativa Komunidade Habokur Karau Iha Fatuberlihu

Manufahi RKM News – Administardór Munisípiu Manufahi kuarta-feira (15/06) vizita háre direitamente inisiatíva komunidade hamósu programa paronizasaun individuál (PPI), iha área Tiha-Bua Klédik Suku Clacuc postu administrativu Fatuberliu.

Administardór Arantes Isaac Sarmento hateten, objetívu vizita ne’e mai haré direitamente inisiatíva husi Komunidade  hala’o programa habókur karau, ne’ebé utiliza rai ektáre 50 resin kuda du’ut no ai-lamtóro Austrália  ba hahán karau nian ne’ebé Komunidade sira hala’o ona durante ne’e,  hodi habókur karau no fa’an ba merkadu inklui bele fornese na’an ba komunidade no kompaña sira.

Nia hatutan, Ha’u mai vizita tanba baseia ba komunidade sira nia propósta ne’ebé hato’o ona ba  administarasaun Munisípiu  husu governu nia apoiu, propósta ne’e administrasaun sei kanaliza ba governu sentrál atu tulun inisiatíva Komunidade nian iha Fatuberliu, nune’e bele hafórsa inisiatíva ne’e hodi habókur karau no bele fornése na’an karau ba konsomidór sira.

Agapito Perreira nu’udar mutivadór  ba programa paronizasaun individuál (PPI), habókur Karau iha área Tiha-Bua Klédik Suku Clacuc postu administrativu Fatuberliu hateten, Timor rai bókur tebes maibé ita ema hanoin labókur, uza rai bókur Timor nian, tanba ne’e ita ukun-an ona tenki halo serbisu iha ita nia rain rasik, uza didiak rai Timor nia bókur hodi dezenvolve ekonómia iha rai laran, la’ós ita ba buka fali serbisu iha rai seluk.

Tanba ne’e ami inísia programa habókur karau ne’e hahú iha tinan 2003 liu ba, no agora kontinua la’o tuir kbi’it ami nia de’it, kuda ai-lamtóro Austrália, kuda du’ut hodi habókur karau, no agora dadaun balun ami fa’an ona ba merkadu, no agora ami kontinua loke luan tán iha rai ektáre 56, kuda ai-lamtóro inklui halo karau luhan hodi habókur karau, nune’e bele fornése na’an karau ba konsomidór sira, tanba la kleur tán refínaria sei lóke iha parte tasi-mane, entau ita tenki prepara na’an karau hodi fornése ba konsomidór sira,inklui hadia Nútrisaun ba komunidade sira.

Motivadór programa habókur karau iha postu Fatuberliu ne’e reálsa, atu habelar tán programa ne’e, ami hato’o ona proposta ba ba governu liu hosi Administardór Munisípiu, atu hetan apoiu ruma husi governu hodi hafórsa programa refere, nune’e ita bele hasa’e no hadia kualidade produsaun na’an karau ba konsomidór sira, tanba kuandu refínaria loke ona iha tasi-mane, ema male sira presisa konsúmu na’an ne’ebé kualidade,la’ós na’an karau ne’ebé mai husi karau  husik livre ne’e la iha kualidade.(esm&Guterres).

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING SEMANAL

STAE halo preparasaun masimu ba tinan ida no diak

  Diretór STAE Manufahi RKM News—Direktor STAE Munisipiu Manufahi Angelo da Costa Cortereal, hateten Dadaun ne'e STAE halo hela preparasaun ba eletoral no aktualizasaun ba baze...
0
Would love your thoughts, please comment.x
()
x