Manufahi RKM News–Komunidade suku Umaberloik postu administrativu Alas kuarta-feira (15/06)ne’e hato’o ba adminitardór Munisípiu Manufahi, kona ba postu saúde iha suku Umaberloik la halo atendementu saúde ba komunidade sira.
Komunidade suku Umaberloik ne’ebé la kohi públika nia identidade, hato’o Asúntu ne’e ba adminitardór Munisípiu, bainhira Administardór ho ekipa waterAid Munisípiu ba vizita eskóla iha postu Fatuberliu no postu saúde suku Umaberloik postu Alas, ne’ebé hetan apoiu fasilidade saniamentu no ijéniku husi waterAid Timor leste.
Iha vizita ne’e, Komunidade suku Umaberloik postu administrativu Alas, informa ba adminitardór katak, postu saúde ne’e dala ruma husik mamuk durante loron 3 hafoin pesoál saúde sira foin mai loke hodi halo tratamentu saúde ba komunidade sira.”
Iha vizita ne’e nota katak, postu saúde refere du’ut moris domina iha postu saúde oin no kotuk tanba la halo limpeiza rutina.
“ Ho situasaun ne’e administardór Munisípiu, telefona direita kedas ba diretóra servísu saúde minisípal hodi resolve situasaun ne’e.
Responde ba situasaun ne’e diretóra servisu munisipal saúde Manufahi Florençia Corte real Tilman liuhosi vía telemóvel informa katak postu saúde ne’e la’ós husik abandona tanba parteira na’in ida no médiku jerál na’in ida maka destaka iha postu refere, hodi halo atendementu ba komunidade sira, maibé dadaun ne’e postu saúde ne’e mamuk provizóri tanba médiku na’in rua ne’e agora tuir hela formasaun durante loron 10 iha kapitál Munisípiu Manufahi foin remata iha kinta-feira ne’e
Diretóra ne’e realsa katak problema ne’ebé sentru saúde postu Alas infrenta, médiku limitadu tebes, tanba médiku no parteira ema na’in 9 de’it, hodi halo atendementu ba komunidade sira postu administrativu Alas, tanba ne’e Komunidade sira iha suku Umaberloik besik liu séntru saúde Wedauberek bele hetan atendementu husi sentru saúde refere.Hatete diretóra
Kona ba limpeiza diretóra servísu saúde Manufahi ne’e argumenta dadaun ne’e pesoál saúde sira preukupa liu ba hala’o programa promosaun saúde ba komunidade, tanba ne’e la iha tempu atu halo limpeiza ba postu saúde refere, maibé ohin ha’u simu ona telefona husi administardór minisípiu ne’ebé iha tempu badak médiku sira sei halo limpeiza ba postu saúde iha suku Umaberloik.(esm&Guterres)
