Thursday, September 28, 2023
spot_imgspot_img
HomeNotisiaCarlito:Agradese ba SEJD Tamba finaliza ona Rehabilitasaun Salaun CCDC iha Suku Holarua

Carlito:Agradese ba SEJD Tamba finaliza ona Rehabilitasaun Salaun CCDC iha Suku Holarua

Manufahi RKM News—Sexta (17/06) ohin,Diretor ezekutivu CCDC, Carlito Marsal agradese tebes ba oitavu governu konstitusionál liu husi Sekretariu Estadu Joventude no Desportu (SEJD) ne’ebé apoiu ona orsamentu hodi halo rehabilitasaun salaun no dormitoriu CCDC.

“Durante ne’e ami preokupa tebes ho kondisaun formasaun no fatin dormitoriu ne’ebé konstrui husi material lokal hanesan au, hadak no piku maibé ho graca maromak oitavu governu konstitusionál liu husi SEJD konsege konsidera ami nia preokupasaun sira”dehan Carlito iha   seremonia inaugurasaun ba salaun sentru formasaun no fatin dormitoriu (CCDC) Cablaqui Community Development Center (Sigla-Inglesh) Holarua, Same, munisípiu Manufahi.

Maibé liu husi proposta ne’ebé CCDC hatama ba SEJD nune’e hodi apoiu fundus rihun sanulu atus ida rua nulu resin lima liu husi konta bankaria Sentru Foinsa’e Dom Boaventura Maunfahe (CEFOBOM) entrega mai CCDC hodi halo rehabilitasaun ba fatin ida ne’e.

“Tuir planu no bazed ne’ebé ami tau iha proposta atu halo uma ho medida 12×12 maibé ami muda tiha ba medida 18×18, maske nasaun fó oitoan maibé ami halo bo’ot liu tan”nia hateten.

Nune’e nia dehan, ho apoiu ne’ebé iha maske oitoan maibé konsege hodi halo transformasaun salaun no dormitoriu CCDC husi ri’in au ba ri’in besi, didin piku ba batako, maka au hadak muda ba besi no triplek.

“Tanba ne’e orsamentu refere hodi sosa material konstrusaun hanesan semente, fatuk, rai henek, besi ba ai rin’in no besi solda ba kama, baut ba kama, triplek, batako inklui balun hanesan rinso ho sabaun ba joven ne’ebé kontribui halo fatin ida ne’e”nia esplika.

Responsavel ne’e hateten, problema ne’ebé hasoru iha prosesu konstrusaun aliende klima hodi atraza konstrusaun no mós folin material sae iha loja nune’e kontradiz ho baze proposal ne’ebé hato’o.

Formasaun ne’ebé realiza ba joven sira durante ne’e tipu home stay, full time no part time tantu ba estudante no joven ne’ebé remata ona eskola iha nivel sekundariu ba aprende lian inglesh, komputador, public speaking, hortikultura.

 Nune’e Iha  seremonia inaugurasun ne’e Sekretáriu Estadu Joventude no Desportu (SEJD) Abrão Nokosiku Saldanha hato’o dezesu susesu ba CCDC atu kontinua aprende no kuda a’an hodi desenvolve Timor.

“Apoiu ida ne’e tanba hare enerjia joven ninian ne’ebé forti tebes hakarak tulun maluk joven sira seluk nune’e exersisiu orsamentu iha tinan kotuk hela osan restu nune’e ha’u deehan apoiu ba konstrusaun fatin sentru formasaun no fatin dormitoriu CCDD, Holarua, Same”dehan sekretariu estadu Abrão.

Maske ho orsamentu ne’ebé ki’ikoan maibé ohin kontente tebes bele hare rezultadu ne’ebé di’ak, tanba dezesu susesu ba estrutruta no estudante CCDC tomak atu kontinua aprende hodi muda a’an no hodi bele ajuda muda Timor.

Fatin hanesan graduadu CCDC, Denis da Costa Marsal komenta nia parte sente kontente tebes bainhira hamahan a’an iha CCDC Holarua Same tanba antes ne’e la hanoin ba buat kona-ba formasaun.

“Inisiu ha’u mai ho kakutak ne’ebé nakonu ho sigaru, tua maibé bainhira tama iha CCDC formador sira nia fuan bo’ot hodi transforma ami sira fumador no hemu dor sai ema ne’ebé di’ak”nia haktuir.hakotu nia

Jornalista             :Vascu Mendez

Editóra                 :esm

 

 

 

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING SEMANAL

0
Would love your thoughts, please comment.x
()
x