Manufahi RKM News— kuarta-feira (27/07) ohin, Autoridade Munisípiu hamutuk ho Autoridade postu Same, no Autoridade suku Letefoho no séfi aldeia Rialau, asina akórdu ho Asosiasaun halibur defisiénte mátan Timor leste (AHDMTL), intréga rai eis koléjiu Brúder iha Akadiruhún suku Letefoho-Same, ba AHDMTL.
Tuir Diretur ezekutivu AHDMTL Gabriel de souça, lori ema ho defisiénte matan iha Munisípiu Manufahi agradese, ba autóridade Munisípiu no lideransa komunitária suku Letefoho postu administrativu Same nian.
“Ami agradese tebes ba Autoridade husi Manufahi ne’ebé ho laran luak intréga ona rai estádu nian ba AHDMTL, atu hodi hari Séntru formasaun hodi fasilita ami ho defisiénte mátan atus sía hítu-núlu resin-haat (974) iha Munisípiu Manufahi”
Diretúr ne’e hatuan, iha tempu badak ami sei mai halo kontrusaun ba fatin ne’ebé sai hanesan séntru formasaun ba ema ho defisiénsia mátan sira iha Munisípiu ne’e no sei akumula mós ema ho difisiénsia husi munisípiu rua hanesan Covalima no Munisípiu Ainaru.
Alende ne’e Administradór Munisípiu Manufahi Arantes Isaac Sarmento hateten, rai ne’ebé entréga ba AHDMTL ne’e rai estadu nian, ne’ebé iha okupasaun estádu Indonézia atribui provizóri sai hanesan koléjiu ba Brúder sira hela provizóri.
“tanba ne’e ho pedidu husi AHDMTL entréga ba AHDMTL atu utiliza hodi fasilita formasaun ba ita nia oan no maluk defisiénte matan sira.”
Nune’e mós Sefi suku Letefoho postu administrativu Same, Joáo da Costa Noronha informa rai ne’e estadu nian, dadaun ne’e sei iha uma ne’ebé hari iha Indonézia nia tempu hanesan koléjiu, fatin ne’e simples tebes ne’ebé intréga ba AHDMTL, bele hadia sai hanesan séntru formasaun ba AHDMTL iha Manufahi ,Hakotu nia.(esm).
