Manufahi RKM News – sabado fim de semana ne’e(30/07) inseramentu Ginastiku Timor-Leste (GINATIL) ba estudante no profesores sira ne’ebé hala’o durante semana ida iha salaun eis DNTP Same
Tuir diretor Desportu João Rodrigues hateten Desportu ne’e tenke bok- an tanba ita nia ran ne’ebé sirkula iha ita nia isin lolon ne’e prisija ita bok-an bei-beik
“ Deretor ne’e mós husu ba professor Edukasaun fizika sira atu kontinua nafatin hatudu atividade ginastika ida ne’e tanba desportu ne’e bele haforsa ita nia fuan atu nune’e ita nafatin saúde diak no kontente atu halo atividade hotu.
Tempu hanesan representa Diretor Educasaun Munisípiu Manufahi Celestino Sarmento hato’o parabens ba estudante no profesores sira hotu maske trenu loron ida oras ha’at dader oras rua no loraik oras rua.
“ maske la domina 100% maibé hatene atu inplementa iha imi ida –idak nia eskola no fator inportante mak saúde hateten Celestino
Nune’e mós estudante husi eskola tecniku vocasional Akadirun Camilia da costa sente kontente wainhira tuir Ginastika ne’e,ginastika inportante ba ita nia saúde no ginastika ne’ebé nia aprende nia sei ba inplementa fali ba nia kolega sira iha eskola.
Sorin seluk representa Administrador Munisípiu manufahi Felomino Tilman agradese ba SEJD tanba hala’o programa desportu organizadu mai iha manufahi.
“ iha abertura ba ginatil ne’e Administrador munisípiu mós hato’o katak iha ona kometmentu atu kontinua ginatil ida ne’e ba futuru.
Nia mós husu ba partisipante sira ne’ebé mai husi intituisaun sira ne’e tenke ba aplika fali iha sira nia instituisaun ida-idak (ICD)
