RKM News- Sábado 20/08 fin de semana ne’e organizasaun persaudaraan setia hati Terate Timor Leste(PSHT-TL) Realiza graduasaun dahuluk ba membru foun rihun ida atus ne’en rua nulu resin ida (1621)kompostu husi Munisípiu ha’at (4) Aileu, Ainaru, Covalima no Manufahi iha Salaun Paróquia Nossa Senhora Assunsaun Same Manufahi.
Iha seremonia graduasaun ne’e dewan pusat madium Indonézia haji soebiantoro SH agradese ba governu Timor leste hodi fo oportunidade realiza graduasaun ba membru foun iha timor leste lori membru PSHT husu deskulpa ba povu no estadu Timor-Leste ba hahalok membru sira nian ne’ebé komete iha komunidade nia le’et.
Tuir presidenti komisaun Organizador ba seremonia graduasaun PSHT Romeu Duarte informa graduadu dahuluk ba membru foun PSHT hamutuk 1.621 ne’e mai husi Munisípiu ha’at Ainaru 323,Aileu 48,Manufahi 427, Covalima 603.
Administradór Munisípiu Manufahi Arantes Isac Sarmento hato’o parabens ba graduadu husi Munisípiu ha’at Aileu, Ainaru, Covalima no Manufahi husu mós ba responsabel PSHT sira atu asegura estabilidade durante prosesu graduasaun la’o no ba futuru PSHT tenki hatudu ezemplu di’ak ,hodi hari paz no estabilidade iha Manufahi no ba Timor-Leste.
Entretanto iha seremonia graduasaun ne’e partisipa husi reprezentante SEJD,KRAM Nacional no Munisípiu, autoridade Munisípiu Aileu ,Ainaru, Covalima no Manufahi, komandante F-FDTL postu Betano , komandante polísia manufahi no membru,lider arte marsiais no arte ritual sira iha manufahi,liders partidu polítiku sira,konfisoens religiozu , responsabel dewan pusat madium PSHT Indonézia ho delegasaun, inklui família graduadu sira husi Aileu. Ainaru ,Covalima no Manufahi.(ynha Araújo,ines do Carmo).
