Manufahi RKM News—Centro Foinsa’e “Dom Boaventura ” Maun-Fahe (CEFOBOM) sugunda- feira Semana ne’e (05/09/2022) Distribui sertifikadu ba estudante na’in 53 ne’ebe maka remata ona kursu iha Nivel English no komputador durante Ne’e iha Centro Foinsa’e “Dom Boaventura” Maun-fahe (CEFOBOM)
Iha seremonia Distribuisaun sertifikadu ba estudante sira, General Maneger CEFOBOM Antoninho Doutel Sarmento apresia ho foinsa’e ne’ebe maka remata ona sira nia kursu tamba foinsa’e sira la husik sira nia tempu livre iha liur maibe sira uza tempu hodi aprende no explora sira nia koinesimentu iha kursu sira hanesan kursu English no Komputador .
“no foinsa’e sira tenki aprende iha kursu sira hanesan tamba iha futuru karik foinsa’e hetan oportunidade atu ba rai liur tenki hatene atu koalia ho lian English ho di’ak”haktuir Nia
Alen de ne’e General Maneger ne’e apresia ba treinadores sira ne’ebe maka fasilita ona estudante sira iha nivel kursu English no Komputador hodi hasa’e foinsa’e sira koinesimentu.
Nune’e mos Direktor Ezekutivu Cablaqui Community Development Center (CCDC) Carlito Marcal ba foinsa’e foti ona sertifikadu la sai hanesan sasukat ba ita boot sira maibe koinesimentu maka sai hanesan sasukat ba ita hodi determina ita nia an.
” ema ne’ebe riku maka ema ne’ebe mai ho mehi laos material maibe ema nebe riku maka ema nebe iha mehi”
Tamba ne’e Nia husu ba foinsa’e sira labele iha mehi ne’ebe maka ki’ik, hanesan foinsa’e tenki iha mehi ne’ebe maka boot hodi hamosu buat foun ruma husi koinesimentu ne’ebe maka iha no foinsa’e sira labele aprende to’o ba iha ne’e de’it maibe tenki buka tan siensia foun ne’ebe maka iha.
Fatin hanesan reprezentante estudante finalista kursu komputador Totozinho Correia hato’o agradese ba CEFOBOM bele fasilita ona sira hodi aprende iha knua CEFOBOM nian hodi partilha experensia ne’ebe maka iha ba foinsa’e sira.
Entertantu estudante finalista ne’ebe maka ohin hetan sertifikadu iha CEFOBOM hamutuk 53 Kompostu husi kursu komputador 25 no kursu English 28.(esm)
