Saturday, May 25, 2024
spot_imgspot_img
HomeNotisiaAutoridade Manufahi Lansa kolleta Talas Hektar 3 iha Tutuluru

Autoridade Manufahi Lansa kolleta Talas Hektar 3 iha Tutuluru

Manufahi RKM News–Sexta loron (16/09) administrator Munisipiu Manufahi halo Lansamentu kolleta talas makerek hektates tolu (3) iha aldeia Room, suku Tutuluro, postu administrativu Same villa, munisipiu Manufahi.

Iha Lansamentu ne’e reprezentante administrador Munisípiu Manufahi atual responsavel serbisu sosiedade, Julio Gudinho enkoraja grupu ne’ebé estabelese ona atu iha kooperasaun no kordenasaundiak ba malu nune’e grupu bele lao di’ak.

Nia hateten, serbisu hotu atu la’o labele garantia ba ema ida maibé ema hotu presiza hamutuk tanba buat ne’ebé halo ne’e nain mak ita.

“Ita nudar agrikultur to’os nain labele lakon esperansa atu serbísu rai no nasaun ne’e tanba atu serbí ba rain ne’e la’ós deit funsionario maibé presiza ema hotu tanba ita hotu-hotu mesak ida deit iha nasaun ne’e”nia dehan.

Nia dehan, hotu-hotu nia obrigasaun atu hadia rai ida ne’e tanna ita mak sai autor atu hadia dezenvolvimentu rai no nasaun ne’e  atu halo di’ak mós presiza ita.

“Neduni Ita tenki book a’an ba oin maske neneik maibé ita sempre la’o no ita tenki garante no asegura tanba buat sira ne’e neduni buat sira ne’e la’o bainhira ita bo’ok an”nia sujere.

Ohin ita bele kolia kona-ba ita nia produtu dala barak mós ita dehan, ita la han buat ne’ebé ita kuda no ita han buat ne’ebé ita sosa maibé ohin ita nia problema mak ita kiak iha rai bokur nia leten.

Nia dehan, ita tenki esforsu oinsá mak bele explora rai ne’ebé iha potensi hodi bele produs ai-han, atu nune’e bele kontribui ba dezenvolvimentu ekonomia hahú husi familia to’o ba sosiedade no to’o iha nasaun.

Ita ukun a’an nasaun proteje nasaun asegura sidadaun nia movimentu sidadaun nia liberdade, maibé oinsá mak sidadaun atu bele kolabora fila fali hodi bele kontribui ba iha prosesu sira hanesan ne’e.

“Atu nune’e dezenvolvimentu iha ita nia rain no nasaun ne’e bele la’o di’ak liu tan obrigasaun kada sidadaun ida-idak ninian”Julio lia tun.

Portantu ba problema ne’ebé imi hasoru klaru governu nunka taka matan ba ninia povu ida no hakarak nia povu hotu-hotu atu moris di’ak.

Maibé oinsá sidadaun sira atu kolabora prosesu sira ne’e hotu fila fali ba sentidu ita ida-idak ninian.

Fatin hanesan Presidente (Grupu kooperativa KAFIMO), Joaquin da Silva hateten, agradese tanba ohin nai ulun sira bele to’o iha fatin ida ne’e hodi hare diretamente buat ne’ebé komunidade halo.

“Ami iha grupu haat kompostu husi Agar Mera, maun doben, Be Lulik no grupu Borfu no durante tinan barak hamrik no moris ona hodi kuda batar no kuda ai-horis sira selu-seluk tan”nia hatutan.

Mais ohin ami konvida ita boot sira mai tamba produtu inovativu ba buat ne’ebé foun mesmu ne’e foin hanesan fini ami koko hahu.

Neduni ami grupu haat ne’e liu husi talas makerek ne’e ami bele hetan osan ituan iha merkadu, Tanba ne’e hanesan fini de’it mós ami hakarak halo lansamentu atu ita boot sira mai hodi hare direta.

Ami agradese ba liamenon sira ne’ebé ita boot sira hateten ona husi Agrikultur, sekop, postu no Munisípiu.

“Liafuan motiva barak bele dura no di’ak liu mai ami ba futuru  hodi fanun ami nia grupu ida ne’e oinsá mós bele kuda ida ne’e”nia relata.

Nia dehan, grupu haat ne’e hamahan a’an iha kooperativa ki’ik oan ida ne’ebé hetan apoiu husi SEKOOP nasionál hodi mai harii grupu KOFIMA foin moris tinan ida mesmu seidauk láos didiak maibé ami foin koko atu la’o.

Nia sublina, Ohin ami mós harii ona ami nia kooperativa ne’e ho naran multi sektoral ami kuda hahán ami hakiak animal no ami mós hakarak hakiak ikan, Maibé kbiit lato no la iha ekipamento ne’ebé bele ajuda ami hodi ke’e netik tanki ruma atu ami bele promove ami nia an liu husi sasán sira ne’e.

“Tanba ne’e ami koko hamrik ho ami nia ain rasik ami la’o ba seidauk bele, Maibé ita boot sira nia prezensa ne’e bele haforsa ami karik ita boot sira apoiu ami ho ita boot sira nia tulun ami sei hakat ba oin atu nune’e ita bele goja ka uza ita nia produtu rasik”Joaquim aprezenta”nia lia tun.(AA)

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING SEMANAL

STAE halo preparasaun masimu ba tinan ida no diak

  Diretór STAE Manufahi RKM News—Direktor STAE Munisipiu Manufahi Angelo da Costa Cortereal, hateten Dadaun ne'e STAE halo hela preparasaun ba eletoral no aktualizasaun ba baze...

Komunikadu Imprensa

0
Would love your thoughts, please comment.x
()
x