MANUFAHI RKM News– Ministru Assunto Parlamentár no Komunikasaun Sosial (MAPKOMS) Francisco Martins da Costa Pereira Jerónimo, hateten, Oitavu governu konstituisionál ne’ebé lidera husi Primeiru Ministru Taur Matan Ruak iha programa atus ida resin maibé ba MAPKOMS iha programa importante rua.
Nia hateten Programa ida mak programa liberdade espresaun no liberdade informasaun imprensaun.
“Hahú programa rua ne’e bainhira oitavu governu simu posse, Tamba antes ne’e ita seidauk iha (DNDPML) iha de’it radio komunidade bainhira (MAPKOMS) estabelese ho nia dekreitu lei hodi hamosu (DNDPML) tamba hare ba futuru”dehan Ministru MAPKOMS Francisco ba jornalista iha salaun administrasaun Munisípiu Manufahi Kinta (15/09).
Nia akresenta La’o ba oin ita hotu-hotu tenke konsentraliza ba iha Munisípiu, Governu lokál tenki ba iha ne’ebá no saida de’it mak iha relasaun ho munisipal tenki sentraliza.
Nia dehan, Agora hahú daudaun hodi estabelese nia vizaun ne’e iha Munisípiu Manufahi no mós Munisípiu sira seluk tinan ne’e tenki establese liuliu iha Munisípiu haat.
“Atu bele kompleta ministeru imprensa sosializa ba ona autoridade lokal Konaba iha munisipalidade saida mak iha hahu ona hodi prepara an atu simu knaar tomak hodi hahu ida-idak nia kompetensia.”
Neduni ami tau vizaun ida ne’e depende ba Munisípiu atu tau naran saida ami sujere bele tau de’it komunikasaun sosial atu bele atransa mós ba rádiu komunidade no media hotu-hotu ne’ebé mak relasaun ho komunikasaun sosial Munisípiu nian hodi hala’o knaar no hare ba média empreza,media online no mós média sira seluk.dehan Francisco.
Ministru ne’e sublina, Preparasaun ne’e halo tanba hare ba polítika governu nian liuliu polítika sentralizasaun entaun Ministru hotu-hotu labele senti dehan atu kaer hotu iha ne’ebá halo obrigasaun hodi konsentralizasaun dadaun hodi aloka ba Munisípiu ida-idak hodi prepara ba governu lokál hodi estabelese no preparado ida ne’e ita nia objetivu.
“Ita ko’alia kona-ba liberdade imprensa no liberdade espresaun ha’u hanoin livre atu espresa, livre atu hato’o Openiaun,livre atu hato saida de’it naran katak la’os krime”.
Portantu Tuir Francisco, Media hanesan espresaun ida ou espresa fila fali tuir ema lubuk ida nia hakarak,ema nia hanoin no saida mak akontese iha fatin ruma hato’o preokupasaun ida ne’e bele sai notisia no sai informasaun ba ema seluk atu hatene saida mak akontese.
Governu iha atividade seluk ho programa ne’ebé hanesan maibé atividade la hanesan, governu harii sentru informasaun sira ne’e hotu aban bainrua media mak sai divizaun liga hodi kopera ba malu nune’e labele hasai de’it informasaun iha kapitál maibé ba mós suku sira.(AA)
