Sunday, June 23, 2024
spot_imgspot_img
HomeFoto GaleriaALFA no ALMO kontribui hodi Redus Moras

ALFA no ALMO kontribui hodi Redus Moras

Manufahi RKM news-kuarta Feira(21/09)Komunidade suku Aituha, Uma Bereloik, Mahakida, Dotik no suku Taitudak, Postu administrativu Alas, Munisípiu Manufahi deklara area liman mo’os(ALMO) nivel postu administrativu ba postu hijiniu,

Iha seremonio ofisiál deklara postu hijiniu ne’e, Administrador Munisípiu Manufahi, Arante Issak Sarmento hateten  postu administrativu Alas deklara ALFA no ALMO dahuluk  Alas  ne’e akontese tanba ita bo’ot sira nia kontribuisaun serbisu ne’ebé di’ak” Dehan Arante iha Alas, Kuarta ne’e.

Nia hateten komunidade postu Alas sai ezemplu, tanba atu kria ambiente ne’ebé mo’os la presiza estadu, atu hamo’os uma oin la presiza estadu maibé tenki iha konsiensia rasik hodi hadok a’an husi moras.

Fatin hanesan Administrador postu Alas Leopoldo Barreto Argumenta, deklara ona postu hijiniu kada uma kain tenki ke’e rai kuak iha uma sorin hodi halo’ot no asegura foer  labele namkari,

tenki hamo’os animal nia foer, be’e foer  bainhira uza tenki iha rai kuak hodi labele haki’ak susuk no kria dois.

Nia dehan, postu Alas situasaun bele mudansa maibé rezolusaun númeru 08/2014 la iha mudansa no dekreitu lei númeru 04/2004 seidauk revoga no sei mantein. Neduni tenki tau matan nafatin ba sistema be’e rural ne’ebé halo serbisu ho SAS iha area urbana tanba postu Alas sei iha hela eskada livre husi be’e foer” nia sublina

Administrador postu ne’e rekoñese molok postu Alas susesu ba deklara ALMO maibe luta maka’as  ne’e husi NGO lokal Fundasaun Luta Ba Futuru(F-LBF) no luta ba mudansa(LBM)  tanba durante ne’e halao aktividade tama uma sai uma iha komunidade nia le’et.

“Progresso ne’ebé akontese iha postu liu husi kooperasaun di’ak ho ajensia internasionál waterAid Timor-Leste(WATL), Care internasionál Timor-Leste(CITL) no sira seluk inklui NGO lokal LBM  ho F-LBF ne’ebé fó apoiu ba implementasaun programa tomak iha terenu to’o ohin loron ami deklara postu hijiniu”nia hateten.

Tempu hanesan sekretáriu ALMO postu Alas, Atual Diretora ezekutivu Fundasaun Luta Ba Futuru (F-LBF), Maria Boki Doloroza aprei, programa ne’ebé importante durante ne’e hetan fundus husi projetu “Be’e Ba Feto” husi WaterAid Austrália iha Timor-Leste.

“Apoiu ne’e ita hodi halo implementasaun programa tolu hanesan kampaña polítika saneamentu báziku kontinua deklara ALMO, fornese Be’e saneamentu no hijiniu (BESI) ba komunidade rural no eskola sira” nia relata.

Nia esplika, programa refere atu hakbesik  komunidade liuliu feto, labarik no ema difisensia ba BESI iha komunidade rural noeskola sira hodi promove mudansa  hahalok hodi priense eskada ALMO iha postu Alas,

Postu Turiskain no suku Holarua, postu same, promove hasae konsiensia komunidade trajeitu ba jestaun rekursu be’e matan inklui haforsa sistema BESI iha Munisípiu ba kordenasaun, Monitorizasaun no evaluasaun  ba Planu estratéjiku munisípiu (PEM).

Alenede ne’e xefe sentru saúde postu Alas, José da Costa Martins afirma, programa Area La Soe Foer Arbiru no Area Liman Mo’os(ALMO) kontribui tebes ba moras diarea, te’en be’e no sira seluk.

Tamba hafoin postu Alas deklara Area La Soe Foer Arbiru (ALFA) kazu moras diarea  atus 800 Reduz ba 300.

Fiar katak ho deklarasaun Area Liman Mo’os (ALMO) bele kontribui di’ak liu tan ba moras diarea husi atus 300 ba kra’ik,

Tanba komunidade iha ona konsiensia hodi uza fasilidade saúde no fasilidade fase liman” nia sira.

Tanba ne’e parte saúde rekoñese programa ALFA no ALMO kontribui hodi reduz moras sira ne’ebé rejista ona iha postu Alas.

 

“Durante komunidade balun ninia sentina seidauk iha melloradu nune’e pesoal saúde tun diretamente ba halo promosaun kona-ba halo sintina no tau fasilidade fase liman ho sabaun” nia hakotu.

Partisipa iha deklarasaun ALMO ne’e husi reprezentante Ministeru saúde atual xefe departamentu vijilansia sanitaria saúde ambiental, country Diretor WATL, CITL Diretora saúde munisípiu, administrador postu fatuberliu, reprezentante husi postu Turiskain, diretores serbisu liña sektorais, munisipais no xefe suku sira inklui estadu eskola sekundaria Katólika Santo António Alas.

Entretantu hafoin lansamentu deklara ALMO entrega mós prezenti hanesan kadeira, meja no armariu hodi rai dokumentu administrasaun suku nian ba autoridade suku Mahakida, Aituha, Taitudak, Uma Bereloik no suku Dotik.(AA)

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING SEMANAL

STAE halo preparasaun masimu ba tinan ida no diak

  Diretór STAE Manufahi RKM News—Direktor STAE Munisipiu Manufahi Angelo da Costa Cortereal, hateten Dadaun ne'e STAE halo hela preparasaun ba eletoral no aktualizasaun ba baze...
0
Would love your thoughts, please comment.x
()
x