Sunday, April 21, 2024
spot_imgspot_img
HomeNotisiaKomunidade Senti Triste Tanba Sertidaun RDTL Fulan Tolu Seidauk Asina

Komunidade Senti Triste Tanba Sertidaun RDTL Fulan Tolu Seidauk Asina

Manufahi RKM News Sexta feira semana ne’e (23/09)—Tuir komunidade Aldeia Rialau, suku Letefoho, postu Adminitrativu Same villa, munisípiu Manufahi, Rita da Silva preokupa tebes ho atendementu komunidade iha serbisu rejistu sivil notariadu munisípiu Manufahi ne’ebé la dun fasilita komunidade liliu asina komunidade nia sertifaun RDTL.

 

Rita hateten,  tau ema iha serbisu rejistu sivil tenki tur metin tanba ida agora ne’e la tur hakmatek iha serbisu fatin oinsá ho ami komunidade ninia presiza atu trata dokumentus ruma ne’e susar tebes no ida ne’e bele mós impede.

“Ita bo’ot sira ne’ebé governu tau iha fatin serbisu ne’e atu hodi halo atendementu di’ak”dehan Rita iha edifisiu rejistu sivil notariadu munisípiu Manufahi,

Tanba ne’e nia parte preokupa bainhira nia lori sertidaun RDTL hatama iha notariadu kauze fulan-tolu maibé mai konfirma dehan Diretor seidauk asina ne’e sai preokupasaun tanba hanesan komunidade gasta tempu no osan ba kareta ba mai.

“Ha’u preokupa tebes tanba sertidaun ne’e la asina halo ami mai hela deit no viajen ba mai osan hira mak hodi selu kareta no ense mina ba motor hodi ba mai”

Ninia sertidaun hatama kuaze fulan tolu ona tanba atu simu osan idozus no invalidus presiza Billete Indetidade (BI) ne’e mak trata RDTL atu hodi halo BI.“Situasaun ne’e halo ami komunidade sente preokupa, tanba nu’udar povu hetan osan husi ne’ebé atu selu transporte kareta ba mai, karik ba funsionariu sira bele tanba fulan-fulan simu osan”nia dehan.

“Ha’u mai primeiru dehan xefe moras ba tiha Ainaro, mai fali dala ida dehan xefe foun neduni sei troka naran no hein fali xefe foun ne’e mak to’o tiha agora no rona fali dehan xefe nia fe’en kaben moras iha hela ospital mak nia mós la mai”nia haktuir.

Portantu ba asuntu ne’e Rita hakarak aprezenta ba adminsitrador munisípiu atu hare tanba sa mak durante fulan-tolu nia laran la asina maibé tanba administrador munisípiu partisipa hela enkontru importante iha Lautem ne’eebé la konsege ba no husu atu tau ema ida permanente hodi asina sertidaun RDTL ho lais.

“Tanba xefe ida agora ne’e ba mai hela de’it nune’e bainhira mak bele asina ami nia RDTL tanba ami presiza tebes”nia dehan.

Fatin hanesan hata’an ba preokupasaun ne’e, Xefe administrasaun notariadu rejistu sivil Carlito de Andrade hateten, prosesu atendementu iha notariadu rejistu sivil Manufahi komesa hahú to’o agora la’o normál.

 

Nia dehan, foin dadaun ne’e kondisaun Diretor nain rua ne’ene’e  ida Domingo moras no Paulino nia fe’en kaben moras mak hodi hasoru difikuldade ba komunidade tanba la asina sertidaun RDTL maibé durante ne’e serbisu la’o normál hela.

“Direktor rua ne’e ida uluk naran José maibé tuir teste nia liu nia ba tiha eskola fali ba prokurador iha Dili ne’e mak Joanito assume kargu hodi asina Munisípiu tolu hanesan munisípiu Manufahi, Ainaru no munisípiu Covalima Suia”nia informa.

 

Maibé nia rekoñese komunidade ohin kestiona ne’e lo’ós sira nia sertidaun ami prosesu hotu tiha ona maibé notariadu Ainaru seidauk mai asina, atu delega Paulino asina miabé data print out ne’e Direktor aktual nia naran hela”nia esplika.

 

Neduni,  ida foin mai ne’e nia kontinuasaun ho data ne’ebé mak foun hodi asina ida ne’e ba oin tanba ne’e serbisu la’o baibain hela problema ami hasoru mak ida ne’e de’it.

Portantu ba atendementu hahú husi Segunda to’o Sexta Sertidaun moris loron rua ne’ebé halo iha Segunda-Tersa,  kuarta ami priense Kinta-Sexta ami fó sai fali ba iha komunidade sira.

Enkunatu ba pasaporte atende husi Segunda-Kinta ne’e la’o normál soke failansu oituan iha Bilete Identidade (BI) tanba mesin a’at tiha no dadaun ne’e ami atende ho surat tahan mutin de’it hodi bele fasilita hela komunidade sira.

“Daudaun ne’e ami serbisu hamutuk ho munisípiu Aileu hodi fasilita hela komunidade sira tanba print iha Aileu di’ak hela neduni durante ne’e serbisu la’o di’ak hela failansu ne’e mak sertidaun seidauk asina maibé foin semana ida ne’e nia laran”nia argumenta.

Xefe administrasaun afirma, sira ne’ebé sertidaun RDTL prosesu kleur ne’e tanba dokumentu sira nian balu naran no hela fatin lalo’ós ita labele prosesu tanba presiza tempu naruk hodi hadia.

“Neduni iha loron Segunda-Tersa  ami verifika lo’ós dokumentus sira ni’an ne’ebé sala entrega fila ba nain hodi ba hadia iha Igreja no ida ne’ebé lo’ós ami simu hodi prosesu, maibé atu asina ne’e kompetensia Diretor nian no balun ema nia moris tau munisípiu ne’e sai fali aldeia no suku  sala, ita tenki sai husi aldeia ba suku depois sub-distrito no munisípiu”nia klarifika.

Tanba atu asina ne’e Direktor Domingo asina Bom komportamentu no Paulino asina Sertidaun moris, mate no kazamentu. Neduni sertidaun ne’ebé rai kleur to’o fulan tolu ne’e tanba sira nia dokumentu sala.“Tanba ida ne’ebé sala Direktor hare lo’ós nia la asina tenki hein na’in mai hodi kompleta fali dokumentu atu nune’e hodi halo prosesu ba sertidaun moris nian”nia tenik.

Carlito haforsa tan katak, buat ne’ebé sala presiza hadia maibé hadia mós la di’ak ne’e oinsá ho buat sira seluk.

Entretantu ba staf atendementu iha ema na’in sia (9) hamutuk ho xefe maibé atendementu na’in ha’at (4) ida ba rejistu sivil, ida ba Bom komportamentu ida ba Pasaporte no rua ba BI.

“Neduni Atendementu ba ami nian limitadu tebes, ami rekomenda ona atu husu tan na’in ne’en (6) hodi tau nain rua iha sub-distritu bele reduz serbisu ne’e maibé seidauk bele”nia hatutan.

Tanba ne’e foin lalais ami sai ba postu apoiu Ministeru Justisa hodi halo rejistu movel iha postu Turiskainkona-ba asesu RDTL ho BI no iha postu Alas foti de’it formulariu labarik sira moris iha 2010-2022.

Maibé ba horariu serbisu simu Segunda-Kuarta no balu hakerek prosesu dadauk tanba ita hare ba distansia komunidade kestiona sira la’o do’ok no transporte laiha.

“Ne‘e duni to agora ami sei hakerek tiha hotu  prosesa fali print out Direktor asina foin lori ba entrega fali ba komunidade maibé balu ami fó Direta tiha ona iha postu bainhira atende sira”nia hakotu.(AA)

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING SEMANAL

0
Would love your thoughts, please comment.x
()
x