Manufahi RKM News-Tersa fera (27/09)ne’e, Sekretáriu Estadu Ambiente (SEA) ho administradór Munisípiu Manufahi halo lansamentu kuda ai rambutan hun atus lima (500) iha aldeia Lalika, suku Betano, postu administrativu Same, munisípiu Manufahi,
Iha seremonia lansamentu ne’e Sekretáriu Estadu Ambiente (SEA) Deometro Carvalho Amaral, hateten, kuda ai barak no aitahan ne’ebé matak hodi bele hamos a’ar foer husi aktividades no fabrika.
Nia dehan, bainhira kuda barak ne’e hanaran to’os “Karbonu” tanba karau te’en iha luhan no manu te’en iha luhan sira ne’e bolu dioksida Karbonu ka toos Karbonu.
“Tanba ne’e ohin ita halo lansamentu sentru Viverus Assosiasaun Movimentu Kablaki Timor Leste (AMKTL) ne’ebé sira prepara atu kuda ba to’os Karbonu”dehan Sekretáriu Estadu Ambiente (SEA) Deometru ba jornalista iha Betano, Tersa ne’e.
Governante ne’e hare katak rai ne’ebé iha luan tebes no espera katak sira ho komunidade sei halo serbisu ho di’ak ho to’os nain sira hodi prepara aioan iha sentru Viverus no distribui ba komunidade kuda.
“Ai hirak ne’e iha futuru hanesan banku verde, banku ba ai-han, banku ba farmasia aimoruk lokal sira aliende fó osan ba to’os nain sira bele mós Karbonu no kaer metin be’e”nia esplika.
Fatin hanesan reprezentante administradór munisípiu, atual responsavel apoiu sosiedade sivil Manufahi, Julio Gudinho hateten, ohin loron Timor leste infrenta problema mudansa klimatika no ida ne’e ontese balun mai husi natureza no balun mai hosi ita ema nia kontribuisaun rasik.
“Oinsá ita kuidadu no konserva fila fali ita nia natureza bele matak ba beibeik hodi fó moris ba ita neduni hahú hosi ohin ba futuru ita presiza tau atensaun tanba konservasaun natureza ne’e importante tebes”nia fó hanoin.
Tuir nia katak, bainhira halo buat ruma labele hanoin de’it ba loron ohin maibé tenki hanoin mós ninia sustentabilidade hodi kontribui ba prosesu dezenvolventu.
Tempu hanesan prezidente Assosiasaun Movimentu Kablaki Timor Leste (AMKTL), Vicente Sarmento relata ohin halo lansamentu kuda ai oan ne’ebé grupu sira prepara ba rai hektares sanulu (10).
“Sim, lansamentu kuda ai oan inklui lansamentu kuda iha viverus aioan, no ida ne’e atu hodi enkoraja grupu sira bele iha vivreus rasik hodi minimiza sirkulasaun ai oan husi fatin seluk mai Manufahi”Vicente komenta.
Tanba ne’e ba fulan ida ne’e grupu prepara uluk ai rambutan, sabraka, ha’as ne’ebé sei kuda iha fatin ne’ebé identifikadu ona.
“Aktividades hetan apoiu orsamentu dollar rihun ida husi fundador AMKTL rasik enkuantu parte apoiu deit iha tinan sira ba kotuk no agora dadaun ami hakarak lori mós grupu asesu direta ba governu liu husi grupu nia proposta”nia hakotu.
oras ne’e dadaub AMKTL estabelese ona grupu 40 iha Manufahi no balun iha Kabklaki, Holarua non aktivdades sei abranja ba iha postu administrativu sira iha Manufahi.(aA/jB).
