Sunday, June 23, 2024
spot_imgspot_img
HomeFoto GaleriaMS dizamina planu estrateziku nasional ba setor saude

MS dizamina planu estrateziku nasional ba setor saude

Manufahi RKM news-kuarta feira (09/11) ohin Ministériu Saúde (MS) liu husi departamentu polítika planu monitorizasaun avaliasaun no parseria hala’o sensibilizaun planu estratéjiku Nasionál setór saúde (PENSS)  II 2020-2030, ba autóridade Munisípiu to’o postu responsável servisu saúde nivel Munisipiu no postu,

Séfi departamentu polítika planu monitorizasaun avaliasaun no parseria Ministériu saúde  Apolinario dos Rei Guterres hateten PENSS II iha ajenda transformativu ida ne’ebé fóka ba konstrusaun sistema saúde nian ne’ebé forte no rezilente no halo ona avaliasaun iha tinan 2017,

iha fáze da-húluk husi implementasaun  PENSS 2011-2030 no kompromisiu Governu nian atu mantein progrésu no konkista sira ne’ebé alkansa ona.

Planu ne’e identifika estratéjia no programa sira ne’ebé sei garante ba povu Timor-Leste saudável no iha kbi’it atu kontribui ba dezenvolvimentu ekonómiku tuir Vizaun 2030 fó prioridade ba saúde nu’udar investimentu ekonómiku prinsipal ida-ne’ebe sei dudu ajenda dezenvolvimentu sosio ekonomiku,

Nune’e mós Planu ne’e fóka ba prestasaun servisu saúde ho kualidade ne’ebe inklui kuidadus promotivu, preventivu, tratamentu reabilitasaun no paliativu ne’ebe oferese besik ba estrutura familia nian,

Hetan kobertura saúde universal sei posivel liu hosi kuidadus saude primária ho fóku ba saúde komunidade.

Abordájen estratejika ba sistema tomak husi PENSS II sei permite ba Ministériu Saúde atu fornese modelu ida-ne’ebé integradu husi kuidadu ne’ebe buka atu alkansa

kuidadu no tulun atu hamenus todan moras nian no aselera objetivu sira husi Dezenvolvimentu Sustentavel,

Estratejia foun ne’e reflete mudansa global ida hodi fóka ba jerasaun ohin loron no futuru,

No vulneravel liu, inklui labarik, inan, ferik-katuas sira ne’ebe ho nesesidade espesial atu bele garante Ia bele husik ema ida iha kotuk, informa Apolinario dos Reis Guterres”.

Ministériu Saúde  konsidera nivel kompromisu apoiu ne’ebé apropriadu husi Governu, Parseiru Dezenvolvimentu sira,

Diretóra servisu saúde Munisípiu Manufahi, Floréncia Cortereal Tilman hateten ho ho baseia dekrétu lei  deskonsentrasaun númeru 3/2016 servisu saúde munisipal deskonsentra ona ba Ministériu administarasaun estatal,

Tanba ne’e ho deziminasaun bele hadia di’ak liu tan involventu autóridade lokál sira husi Munisípiu postu no lideransa komunitária sira, partisípa ativa iha Programa saúde primária.

Hatudu ona nia papel inklui parseiru dezenvolvimentu hatudu duni  partisípa másimu hodi fó susésu ba programa servisu saúde iha Munisípiu Manufahi nian,

Administradór Munisípiu Manufahi Arantes Isaac Sarmento agradese ba MS bele prodúz ona PENSS II ne’e, oinsá pesoál saúde autóridade Munisípiu, postu no lideransa komunitária sira  lori povu besik liu ba sentru saúde ne’ebé hari iha postu no suku, ita tenki hatene oinsá  lori povu besik ba saúde,

Tanba estadu gasta orsamentu ne’ebé bo’ot atu hala’o atendementu ne’ebé besik liu ba povu.

Hanesan ita nia líder rejisténsia sira ne’ebé lori povu Timor leste luta ba ukun rasik an,

povu konsege partisípa hodi liberta pátria no tempu agora bele  lori povu ne’e besik ba saúde hodi liberta povu husi moras oin oin,dehan  Administardór   Munisípiu Arantes Issac Sarmento

Entertantu sensibilizasaun halao durante loron rua (2) iha salaun sentrude saude Munisipiu Manufahi postu administrativu Same.DCRJ

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING SEMANAL

STAE halo preparasaun masimu ba tinan ida no diak

  Diretór STAE Manufahi RKM News—Direktor STAE Munisipiu Manufahi Angelo da Costa Cortereal, hateten Dadaun ne'e STAE halo hela preparasaun ba eletoral no aktualizasaun ba baze...
0
Would love your thoughts, please comment.x
()
x