Manufahi RKM News === Loron 11/11 Estudante husi Universidade Nasional Timor Lorosae nain 90 resin halo Enseramentu ba atividade Pratika Materia Extencao Agricola iha Suco Holarua, Aldeia Fatuco, Carbulau, fahiluhan, Orema, atividade pratika durante loron 4 nia laran estudante sira hamutuk ho komunidade sira hodi hakat dereta ba tos laran hodi observa direitamente komunidade sira nia aihoris ne’ebe sira kuda iha tos. sira mos sosa komunidade sira nia produtu hodi ba fornese fali ba loja balu iha Dili nune’e sira bele halo mos komparasaun ba folin Produtu,
Alende ne’e estudante sira mos fo formasaun ba komunidade sira, halo mos intervista kona ba produtu sira ne’ebe komunidade sira kuda. Iha Diskursu Presidente komisaun Organizadora ba Atividade Pratika material Extensaun Agricola Ezelito Hornai da Cruz nia hateten agradese ba autoridade sira iha suco Holarua no mos agradese ba inan aman sira hotu no komunidade sira tamba bele simu ona sira hodi pratika durante loron 4 nia laran lao ho diak.
Parte seluk autoridade suco holarua Xefe aldeia Urufu reprezenta Xefe Suku hato mos agradese ba estudante sira tamba bele hili ona suco Holarua hodi halo sira nia atividade pratika.
Jornalista:Vas
