Manufahi RKM news— segunda-feira (14/11) horseik Administradór Munisípiu Manufahi hamutuk ho ekipa programa dezenvolmentu integradu Munisípiu (PDIM), realiza inkóntru ho diretúr kompaña Tano oan Naimutin Unipesoal Lda, justifika no halo deklarasaun hodi finaliza projetu konstrusaun edifísiu adminístrasaun postu Turiscai iha fulan-Dezembru tinan ne’e.
Administradór Munisípiu Manufahi Arantes Isaac Sarmento liu hosi inkóntru ne’e atu hetan informasaun lolos husi kompaña tanba sá projetu ne’e ladauk finaliza maske adminístrasaun ekstende onaba dala 2
“tuir loloos molok tama tinan foun tenki remata ona tamba estende ba dala 2 la bele dala 3 tan ona, maibé realidade projétu ne’e tuir kontratu hahú implementa iha loron 13 fulan-Dezembru 2021 no remata iha loron 13 fulan-Mársu 2022. ” informa Arantes”.
Tamba saida maka foin realiza óbra ne’e foin atinji purséntu 60 resin, kompara ho projetu rua seluk hanesan sede suku Babulo postu Same inagura tiha ona, no edifísiu adminístrasaun postu Alas mós finaliza ona hein atu intréga.
“tamba ne’e iha inkontru ne’e ami atu rona lolos Justifikasaun husi Kompania tamba sede suku babulo inagura ona postu administrativo alas finalize ona tamba ne’e kompania mós tenki koalia honestu saida mak kompania hasoru “
Responde ba Asúntu ne’e, diretur kompaña Tano Oan Naimutin Unipesoal.Lda, Martinho Alves Fernandes informa katak, projétu ne’e finaliza tarde duni.
“Ho ida ne’e ha’u hasoru failansu dunik husi ha’u rasik no servisu na’in sira, la’ós husi governu, liliu failansu husi badaen sira maka serbisu halimar liu, maske material konstruksaun kompletu hela”haktuir kompania
Nia hatutan failansu ida maka kona ba orsamentu hodi kontrátu ho badaen sira.
“Ha’u atu kontrátu badaen no servisu na’in sira husi postu seluk maibé sira iha Turiscai la hatán, problema ne’e maka ha’u hasoru, ha’u mós konsidera projetu ne’e tarde liu, ha’u mós sente moe tanba projetu rua seluk iha Alas no Same finaliza ona maibé ha’u nia sedauk, ha’u garantia iha fulan-Dezembru nia laran ha’u sei finaliza óbra ne’e”
Tuir nia katak bainhira atu remata tenki troka badaen no servisu na’in husi fatin seluk, tanba badaen sira ne’ebé dadaun ne’e serbisu halimar liu,”deklara diretúr kompaña”.
Entretantu konstrusaun edifisiu administrasaun postu Turiscai ne’ebe gasta orsamentu $ 123,090.68,hafoin remata inkontru kompaña Tano oan Naimutin Unipesoal Lda, halo deklarasaun eskrita asina deklarasaun ne’e ho ekipa PDIM atu finaliza projétu refere iha fulan Dezembru tinan ne’e.
