Manufahi RKM News- loron segunda feira (15/7) ohin Ministério administrasaun Estatal sosilizasaun formasaun ba ekipa júri no ekipa tekniku kona ba padraun prosedimentu operativou (PPO) oinsa rekruta funsionario lao tuir regras ho prosedimentu sira,
Representante diretora rekursu humano nasional sefe departamento avaliasaun dezenpeno Maria Fatima dos Santos Lei hateten objektivu husi sosilizasaun ida ne’e hanesan hodi hasae koinesementu ekipa júri no ekipa tekniku ba prosesu rekrutamentu sa ida deit atu ba ajente ka funsionario publiku tenke lai tuir nia regras hahu husi preparasaun to’o fase relatório finalfinal ne’ebe atu submete ba funsaun publiku,
ekipa júri no ekipa tekniku sira tenke halao sira nia knar ho responsabilidade tuir prosedimentu ne’ebe iha, nia hateten.
No prosesu rekrutamentu durante ne’e munisipio sira halao hela ona hodi rekruta ona ajente no funsionario publiku sira husi nasional fo apoiu tekniku deit munisipio sira maka halo.
Representante Presidente autoridade munisipio manufahi (PAMM) diretor rekursu humano munisipio manufahi Natalino de Andrade hateten sosilizasaun ne’e halao ba dala rua ona iha fulan kotuk lidera husi diretora nasional no ohin kontinua lidera husi sefe departamento avaliasaun dezenpeno,
“Hau husu ba ekipa júri no tekniku sira bainhira iha dúvidas karik tenke husu hodi hetan esplikasaun Klara husi treinador sira.”
Entertantu partisipa iha sosilizasaun ne’e husi funsionario publiku sira iha Munisipio Manufahi kompostu husi postu hat (4) Alas, Fatuberlihu,Turiscai no Same.
