Manufahi RKM News===(30/07/24) Tersa Feira Ohin Comisaun Validasaun Dados Segundu 2° Registu iha Tinan 2009 no Asina Acta Validasaun iha manufahi ho total 6,829 Valido 5.637 83℅ Nao Valido 1,192 17℅ iha Salaun Quesadhip Rua Merkadu Lama Postu Administrativu Same.
Reprejentante Presidenti Autoridade Munisipiu Manufahi, Satornino Magno hateten, ohin ita hamutuk iha ne’e atu Asina Acta Validasaun dadus ba registu segundo ninian iha tinan 2009 ho total 6,829, ida ne’e servisu boot ida ne’ebe komisaun sira halo durante periodu ida ne’e ho sussesu ho diak no la iha problema tuir duni regra komisaun.
Presidente CMCLN Munisipiu Manufahi Tobias Amaral Magno kodigu ‘’Maksakur” hateten, Registu iha tinan 2009 ita halo verifikasaun no Validasaun hahu husi Tinan 2009 to 2021 ita remata, nia rejultadu maka ohin ita hamutuk iha ne’e atu valida no Asina acta ba dadus tinan 2009 nian, hakarak hateten ba ita boot sira katak ita hotu maka sai ema verifikador ba dados kombatetes sira iha tinan 2009, hahu husi rejiaun 3 ita nia asisten no komandante, Mai hamutuk ho ita sub rejiaun jona nureb maka halo aprovasaun ka Validasaun ba kombatetes sira nia dadus, Validasaun ida ne’e ita bazea ba giaun ne’ebe orienta ita. Asina ida ne’e responsabilidade ita hotu nian ikus Mai la bele fo kulpa ba rejiaun sub rejiaun ka responsabel sira ida ne’e ita hotu nian, no sei taka sai lista kombatetes sira iha Tinan 2025 oin Mai.
Comisario CM,CMCLN Fransico do Carmo Codigu Lasudur informa, Validasaun ida ne’ebe agora dadaun ita kompleta ne’e tamba ita boot sira atu esplika didiak ba ita nia povu no kombatetes sira, katak buat hotu-hotu ita nain deside tia ona iha momentu ne’eba fixa ne’ebe ita boot sira simu. ohin hotu-hotu atu Asina acta ida ne’e para iha loron 12 atu lori ba aprejenta iha Parlamentu Nacional hodi aprova, para lori ona lista kombatetes Mai taka iha Munisipiu ida idak.
Entretanto iha Asina akta ne’e partisipa maximu husi sekretaris zona ho estrutura husi Postu Administrativu Alas, Fatuberliu ,Turiscai, inklui Postu Administrativu Same.
Reportagem Ekipa RKM
