Manufahi RKM News-loron tersa feara (17/9) ohin rganizasaun Sosiedade Sivil (SS) iha munisipíu Manufahi kompostu husi Fundasaun Luta Ba Futuru (F-LBF), Luta Ba Mudansa (LBM) no Feto Asaun kreativu (FAKMAS) Servisu Hamutuk Director SMASA (Servisu Munisipal Aqua Saniamentu e Ambiental)realiza whorshop ho tema “Haforsa sustentabilidade institusionál Be’e Saneamentu no Ijieniku (BESI) ne’ebé reziliente ba mudansa klimatika iha munisipíu Manufahi,
Diretor interinu Fundasaun Luta Ba Futuru (F-LBF) Armando da Silva iha intrenvensaun hateten, objetivu husi whorshop ne’e oinsá atu fahe rezultadu servisu ba malu inklui dezafius sira atu nune’e hodi bele fó solusaun no alternative ba sistema BESI iha Munisipiu Manufahi liu-liu iha areia rural,
No hodi aprezenta rezultadu sira husi serbisu ne’ebé mak parseiru dezenvolvimentu sira halo ona iha munisipíu Manufahi durante ne’e no buat ne’ebé governu hanoin atu halo maibe la konsege tau iha prioridade nune’e parseiru sira kompleta ba planu asaun Munisipal nian,
parseiru nia existensia ba aktividades sira ne’e iha momentu deit maibé ho ninia kontiniudade governu liliu autoridade munisipíu mak bele kontinua hare serbisu ne’ebé parseiru sira halao hela iha munisipíu ida ne’e hodi asegura sustentabilidade ne’ebe rezilente ba mudansa klimatika,
“hau husu ba ema hotu-hotu tenki tau atensaun ba asuntu mudansa klimatika, maske Manufahi ita iha be’e barak maibé tanba saida mak ema sei preokupa hela atu asesu ba be’e mo’os,”
dezafiu ne’ebé ita hasoru mak sustentabilidade ita hasoru udan boot infrastruktura sira ne’ebe konstrui ona bele hetan estragus hotu no bailoro naruk be’e sira ne’e maran hotu Bainhira governu ida la kontinua buat ne’ebé parseiru sira halo hela ida ne’e hanesan parte ida ne’ebé laiha kontinuasaun ba programa sira ne’e.
Diretór Serbisu Municipal Agua e Saneamentu (SMASA) munisipíu Manufahi Domingos Soares hateten durante ne’e akontese mudansa klimatika liliu udan boot afeita mos ba sistema be’e mo’os sira iha munisipíu Manufahi sai problema boot ba ita nia kontrolu ba sistema sira ne’ebe hetan estragus,
Atu garantia sistema be’e nian SMASA ho parseiru mesak deit sei la halo buat ida maibé presiza parte hotu-hotu liliu governu munisipíu ninia esforsu oinsa atu bele muda komunidade ninia mentalidade oinsa atu kuidadu sistema ne’ebé mak iha,dehan Diretór Serbisu Municipal Agua e Saneamentu (SMASA) munisipíu Manufahi Domingos Soares.
Ita koalia kona-ba sustentabilidade be’e maibé tinan-tinan komunidade nafatin tesi ai, sunu rai hodi afeta ba ita nia sistema sira ai ne’ebé dada tiha be’e ne’ebé atu fornese nune’e fó impaktu volume be’e mai ita no ida ne’e mak sai difikuldades bo’ot ida ba ita iha future,
Iha tempu tuir mai ita nia oan ho beioan sira sei hasoru problema ba tanba númeru populasaun kada tinan aumenta maibé rekursu be’e sei la aumenta. Ho ida ne’e husu autoridade atu nafatin fó hanoin ba komunidade kuidadu be’e ne’ebé parseiru halo hela ba populasaun iha area rurais sira,
Country Diretor WaterAid Timor-Leste (WATL) Junstino da Silva hateten WATL existi iha munisipíu Manufahi durante tinan sanulu resin (10) ne’ebé foka liu ba programa BESI ne’ebé integrasaun ba programa defisiensia, jeneru no inkluzaun social ligasaun ba mudansa klimatika no programa saúde liga ba BESI iha fasilidade saúde,
Atu termina ami nia programa iha munisipíu Manufahi lae maibé Manufahi sai area operasaun ba WATL ninia serbisu tanba ne’e programa sira kontinua la’o nafatin somente iha deit decisaun kiik balun kona-ba edifisiu ami la tau ona iha Manufahi maibé ami nia serbisu direta husi WATL nasional mai munisipíu tanba hodi redus ba administrasaun nune’e aumeta orsamentu ba prgorama sira,
Durante tinan 13 iha Manufahi kuaze atinji iha programa lobuk ida tuir relatoriu husi SMASA Manufahi kauze atinji sistema be’e hamutuk pursentu %84 komunidade sira asesu ona ba be’e.
Bazeia ba relatoriu ne’ebé mak iha Manufahi iha sistema bee pursentu %84 no pursentu %95 asesu ba saneamentu ijeine no fasilidade saúde hamutuk 23 maibe WaterAid no parseiru sira konstrui tan fasilidade ba postu Saude hamutuk 14 liu liu ba sentina inkluzivu iha postu saude sira neduni iha mudansa bo’ot maske buat hirak nee simples maibe real,
husi pursentu %84 ne’e WATL kontribui sistema bee rural kuaze iha 62 ho pursentu %25 ne’ebé ita hari’i hodi kompleta tan ba sistema besik atus rua ne’ebe aprezenta ona husi Director SMASA,
iha postu saude ne’ebé asesu ona sintina inkluzivu hamutuk 14 husi total postu saude 23 ne’ebe mak ejiste iha Munisipiu Manufahi ida ne’e bele ajuda ona inan ho oan sira bele asesu hodi fase liman hodi kuidadu saude.
Reprezentante Prezidente Autóridade Munisipíu Manufahi Sekretaria Administrasaun trata Assúntu Sosiál no Organizasaun Komunitariá (SMASOK) Alexio de Deus Agrdese ba Parseru ONG local sira ne’ebé mak halo servisu hodi apoio governu lokal iha munisipíu manufahi hanesan parseru governu nian iha manufahi,
`Worshop ne’e Papel governu Munisipíu iha komitmentu hodi halo serbisu sira iha sosializasaun no metigasaun sira hodi evita ema labele sunu rai no tesi ai arbiru hodi afeta ba ita nia sistema bee sira ne’ebé mak iha.
Entertantu partisipa iha whorshop ne’e autoridade lokal sira,polocia,saude,FFDTL,institute politekniku Betano,institutu Boa ventura timor-leste.
