Manufahi RKM News === segunda feira ne’e (30-09) Reprejenta Vice Primeiru Ministru I Ministru Kordenador Asuntu Sociais Inagura Kanalizasaun Bee mos iha Aldeia Kakeulaletek Suku Taitudak Postu Adminitrativo Alas Munisipiu Manufahi.
Reprejenta Vice primeiru ministru I ministru kordenador asuntu sociais I ministru desemvolvmentu komunitario Arantes Izaac Sarmetu hato’o agradesementu ba parseiru desemvolimentu sira hanesan water aid no mos parseiru local sira ne’ebe maka durante ne’e apoiu ona guvernu no instala sistema ne’ebe maka bele fasilita ona komunidade sira li-liu Bee mos.
“ Guvernu da sia ne’e mos iha komitmentu ne’ebe maka bo’ot tebes bele investe ona orsamentu ba infraestrutura basiku no hare liu ba konstrusaun,konservasaun manutensaun no mos instalasaun Bee mos ba komunidade sira tamba ne’e importante tebes.
Fatin hanesan Autoridade Munispiu Manufahi Luis Da Costa Marçar hatete konaba manutensaun ba bee mos ita seidauk iha orsamentu ne’ebe maka proprio ba ida ne’e maibe ita iha ona plano orsamentu munisipiu ba tinan 2025 nian konaba manutensaun nia maibe agora ne’e dadaun provisorio ita sei hare hela ba programa PNDS nian.
“problema ne’ebe maka ita hasoru durante ne’e ita uza sistema Bee mos sira ne’ebe iha la ho konsensia iha Bee balun wainhira udan ben diak entaun Bee mai bo’ot maibe enkuantu iha tempu bailoron Bee menus komunidade balun la iha ona konseia karik nia hela besik Bee sira tesi tia kanu hodi hetan Bee maibe komunidade balun hela iha karaik la hetan Bee mos ho diak.
“ tamba ne’e maka agora dadaun ita servisu hamotuk ho SMASA,BTL EP, PNDS no mos husi ita nia NGO local sira ne’ebe maka durante ne’e fo apoiu maximu konaba Bee mos.
“PAM husu ba Autoridade local sira hanesan xefe suku no xefe aldeia sira oisa atu hare liu ba problema sira ne’e tamba sira maka besik liu ba iha komunidade entaun ne’e responsabilidade tomak iha sira nian liman.
Sorin seluk Country Director Water Aid Justino da Salva hatete tuir plano estrategiku Water Aid nian ko’alia konaba Bee Saniamentu Igeniku liga ba asesu universal,ko’alia konaba Saúde ,liga ba mudansa klimatika no Advokasia ko’alia konaba plano sira ne’e hotu ami limita de’it Munisipiu rua hanesan Maunisipiu manufahi ho Munisipiu liquisa.
“Nune’e mos ko’alia konaba projetu iha manufahi hamotuk projetu 60 resin ne’e projetu infraestrutura foun maibe konaba manutensaun kuaze 50 hanesan ne’e ho total orsamentu hodi hala’o projeitu sira ne’e water Aid kada tinan investe orsamentu mai iha manufahi 200’00 mil maibe durante tinan 13 ne’e water aid apoiu ona $ 3 miloes.
Entertantu komunidade ne’ebe uza bee mos refere hamotu atus rua resin no tornera ne’en.
Reportagem: Ekipa RKM
