Sekretariu estadu Toponomia urbana, Presidente Autoridade Munisípiu Manufahi, jerente Programa nasionál Dezenvolvimentu suku (PNDS), lideransa komunitária no komunidade sira lansa fatuk dá-huluk estrada betaun atus rua resin iha aldeia Rialau suku Letefoho postu administrativu Same.
Diretúr PNDS Munisípiu Manufahi Monis dos Reis Fernandes hateten Progresu implementasaun programa PNDS tinan 2021-2023 iha Munisípiu Manufahi hosi postu administrativu Fatin hat (4)Same, Alas, Fatuberliu no Turiscai ho programa sanak 10 ho totál projetu 513, no projetu 416 finaliza ona, projetu 95 sei la’o hela no sedauk implementa iha projetu 2,
Projetu 2 seidauk implementa lokaliza iha parte foho projetu 1 iha suku Bubususu no 1 seluk iha suku Kaikasa aldeia sukaer oan postu administrativu Fatuberliu, maibé agora dadaun iha ona prosésu preparasaun atu implementa.
Hosi programa sira hotu ne’ebé mensiona rekapitula total fúndu alokasaun hamutuk $ 9.447, 302.31 no gasta ona $ 7,524,101.48 dolares Amérikanu ho pursentu 80% no iha Banku ho totál $ 1,923,200.83 dollar Amérikanu ho pursentu 20 %, Ho nia progrésu fisiku total hosi projetu hotu-hotu atinji pursentu 84%.
Planu prioridade PNDS regular síklu dá-5 nian ba Implementasaun tinan 2023 iha Munisípiu Manufahi hamotuk 39 ho totál $ 1,523,871.97 dollar Amérikanu,
orsamentu operasional ne’ebé agora iha hela banku $ 287,500.00, no osan $1,630,121.00 dollar Amérikanu ba implementasaun 2023,
No projetu ne’ebé agora dadaun atu hatúr fatuk dá-huluk ho valór Operasional no Infrastrutura ho montante osan $ 51,756.06.
Baseia ba Planu Asaun Anual tinan 2024 PNDS hetan Alokasaun Orsamentu husi MAE hodi finansia Atividade infrastrutura báziku ne’ebé sai hanesan prioridade iha suku no Aldeia hamutuk $ 1,364.250.00 ho total prioridade ne’ebé iha hamotuk 49 Prioridade baseia ba identifikasaun prioridade iha tinan kotuk.
Presidente Autóridade Munisípiu Manufahi Luís Marcal da Costa Tavares agradese ba sekretariu estadu Toponomia urbana vizita mai iha suku Letefoho hodi hare rasik paisajem Same nia furak,
sekretariu estadu bele hakat liu mai to’o iha moklau nu’udar knua antigu bolu naran same-Lau tanba ne’e sidade Same atu furak liu tan presisa koperasaun husi parte hotu.
Sekretariu estadu Toponomia urbana, Germano Santa Brites Dias husu komunidade sira atu aproveita oportunidade di’ak hodi implentasaun programa PNDS iha suku Letefoho,
foinsa’e no intelektual suku Letefoho oan sira, aproveita halo diskusaun ba programa PNDS iha suku hodi aprezenta ba nasionál,
tanba tinan oin ita implementa ona desentralizasaun puder lokál no prosésu diskusaun tomak kona ba PNDS nian hela ona iha Munisípiu maka sei halo no suku maka sai hala’o rasik.
Desizaun tomak ba PNDS nia la to’o ona iha nasionál maibé iha Munisípiu maka sei hala’o rasik, hodi Dezenvolve suku no aldeia.
Entertantu total populasaun iha suku Letefoho aldeia Rilau 1831 no sefe da família hamutuk 348.
