ATENSAUN ESPESIAL BA ANIN KUAZE IHA TERRITORIU NASIONAL PRINSIPALMENTE IHA REJIAUN KOSTEIRAS ⚠⚠
Kondisaun ANIN sei kontinua persiste hu’u ho velosidade NORMAL (14 km/h) to’o MODERADU/NATON (20 km/h) no bele lokalmente FORTE (30 km/h) prinsipalmente iha rejiaun KOSTEIRAS liu-liu iha KOSTA NORTE, munisipiu balun ne’ebe mensionadu iha KOSTA SUL yang inklusif. Enkuantu iha rejiaun CENTRAL mak kondisaun refere sei varia husi NORMAL to’o MODERADU/NATON (10-18 km/h). Detallu liu bele iha (tabela) anexu.
⚠ATENSAUN BA UDAN KUAZE IHA TERRITORIU NASIONAL⚠
Liu-liu ba munisipiu sira hanesan tuir mai ne’e:
(AINARO, BAUCAU, BOBONARO, COVALIMA, ERMERA, LIKISA, LAUTEM, MANATUTO, MANUFAHI no VIQUEQUE).
MTC-DNMG, Liu husi ekipa previzaun tempu no eventu extremu, hakarak informa ba komunidade em jeral iha teritoriu Timor laran katak kondisaun atmosfera sei instavel assosia mos ho transisaun sistema meteorolojiku hanaran: (Gelombang ROSSBY EQUATORIAL/Ondas de ROSSBY Equatorial) no mos eksistensia fator lokal sira iha ilha Timor nian durante loron tolu (3) tuir mai hodi kauza UDAN ho intensidade FRAKU to’o MODERADU/NATON kuaze iha teritorial nasional no bele lokalmente UDAN FORTE prinsipalmente iha munisipiu sira ne’ebe markadu ona ho kor (KINUR) no (ORANGE/LARANJA). Detallu liu bele hare iha (tabela) anexu.
⚠ATENSAUN BA KONDISAUN LALORAN TASI⚠
(MANATUTO, VIQUEQUE no LAUTEM)
Kondisaun laloran tasi nia A’AS ba loron tolu (3) tuir mai sei varia husi NORMAL (0.4-1.0 m) iha KOSTA NORTE enkuantu iha KOSTA SUL mak kondisaun refere sei varia husi MODERADU/NATON to’o FORTE (1,0-1,3 m). Detallu liu bele hare iha (tabela) anexu.
🛑Risku🛑
Iha potensia ba mota tun, bee sa’e, deskarga eletrika, ai monu/tohar, estraga uma (uma ne’ebe estrutura ladun metin bele hetan estragus) no seluk seluk tan.
#NOTA_INFORMATIVA#
*Wainhira Udan, Anin boot & Rai Lakan, husu ba populasaun sira atu hadook a’an husi fatin risku sira no buka hela iha fatin ne’ebé seguru.
*Kazu darurat ruma atau karik presiza halo evakuasaun, mantein kalma nafatin, evita paniku no rona orientasaun husi Autoridade Lokal atau Pessoal Protesaun Sivil ne’ebé besik.
*Akompanha nafatin atualizasaun informasaun kona previzaun Tempu husi DNMG Timor-leste.
*Bulletim emitidu : 24/07/2024 (17:55 OTL)
*Bulletim Validu : 28/07/2024 (00:00 OTL)
#PUSAT MONITORAMENTO DAN PRVISÃO DE Tempo DAN CLIMA DNMG-MTC#
