Manufahi RKM News===Sesta feira ne’e (16/08) Sarani husi Igreja Evangelica de Deus inisiativa tur hamotuk hodi harii uma Maromak iha suku Tutuluru Aldeia Roin Munisípiu Manufahi.
Tuir Komisaun Organizadora Joaquim da Silva hatete Agradese no kontente liu husi sira nia inisiativa no akordu hamotuk ohin sira bele halo lansamento fatuk dahuluk ba uma Maromak ida iha suku tutuluru.
Fatin hanesan xefe suku Tutuluru Benedito Amaral iha intervista hatete tuir Konstitusaun RDTL hatete katak Sarani hotu – hotu iha Direitu atu Asesu ba iha Religiaun entaun Igreja evangelica de deus mos iha direitu atu asesu ba Religiaun iha suku refere tamba ne’e hanesan Autoridade iha suku ida ne’e nafatin fo apoiu ba sira.
Entertantanto osan ne’ebé sarani sira tau kada loron no kada uma kain ida $6.00 osan sira ne’e hetan husi sira fan modo tau hamotuk osan sira ne’e hahu husi tinan 2018 to’o mai hodi harii uma ne hamotuk $5000.00 resin hetan mos apoiu husi Igreja evangelica de deus Ailuli no Ataúru.uma ne’ebé maka agora dadaun harii ne’e ho nia medida 23 X 10 metrus no rai ne’ebé maka oras ne’e lori halo konstrusaun ne’e oferese husi komunidade ida naran Francisco totál sarani hamotuk 20 resin durasaun prosesu uma ne’e seidauk bele hotu iha tempu badak tamba bazeia ba orsamento.
Reportagem: Ekipa RKM
