Manufahi RKM News===Loron tersa 20/08 Reprezentante Presidenti Autoridade Munisípiu Manufahi Aleixo de Deus iha Intervista relasiona ho komemorasaun Loron Levantamento 20 de Agosto 1982 iha Suco Rotuto hateten Autoridade Munípiu Tau ona Plano ba futuro loron Rotuto sai loron Munisipal tau mos Orsamento hodi komemora loron importante sira.
Parte seluk xefe Suco Rotuto Josê dos Santos hateten ita akompanha no hare husi aspeito Istoria husi ita nia lider rejistensia sira husi funu Pasadu entaun hau mos foti inisiativa hodi konsulta ho kompenente hotu iha suco laran tomak, veteranos, desmobilizadu sira,lider tradisionais, Joventude no Intelektuais sira ita konsultasaun komesa iha tinan 2015 hodi mai iha 2018 ita konseque instala komisaun organizadora, komisaun nivel suco permanente no hetan Pose husi ita nia Administrador Sesante Arantes no Programa lobuk ida mak ita halo no konseque ita loke rekonsiliasaun komunitariu hodi reuni sai forsa hamosu komitmentu ida hodi hasai mata dalan no Programa barak mak ita sei halo laos komemora deit 20 de agosto maibe ita sei halo Dokumentos Espesial no Dokumentu Istoriku ba Funu nain Sira.
Entretanto iha Komemorasaun ne’e Secretário de Estado dos Vetranos Cesar dos Santos da Silva (merak) mak sai hanesan Inspetor ba seremonia, partisipa maximo husi komunidade suco Rotutu no Diretor Linha ministeriais sira, PNTL, F-FDTL, Corpo Bombeiros,Siguransa Sivil, Guarda Floresta, lian nain suco Rotuto no Veteranto Suco Rotuto inklui Funsionario Munisípiu Manufahi.
Reportagem: Ekipa RKM
