Ekipa Previzaun Tempu husi DNMG-MTC, hakarak informa ba publiku en jeral iha territoriu nasional katak dader ne’e observa hela Atmosfera Stavel ka Naroman ho kalohan balu, previzaun ba parte meio dia-loraik no inisiu kalan mak kalohan sei taka hodi kauza udan FRAKU no lokalmente bele MODERADU liu-liu iha parte Central, Leste no Sul illa Timor nian hanesan Covalima, Ainaro, Manufahi,Bobonaro,Ermera, Manatuto, Baucau. Lautem no Viqueque.
Previzaun ba anin hu’u ho kondisaun NORMAL iha territoriu Nasional exseptu iha Kosta Sul mak hu’u ho velosidade NORMAL-MODERADU akompanha ho Laloran tasi NORMAL tantu Kosta Sul no Norte.
#NOTA INFORMATIVA#
*Husu ba komunidade sira ne’ebe mak halo viajen husi Munisipiu ida ba Munisipiu seluk atu nafatin toma atensaun ba Dezastre ruma ne’ebe ita hotu la espera bele akontese.
*Atensaun ba Peskadores sira ne’ebe halo atividades iha parte tasi liu-liu Kosta Sul atu tau atensaun ba Anin Tasi tanba bele influensia hodi hamosu dezastre ruma
*Akompanha nafatin atualizasaun informasaun kona previzaun Tempu husi DNMG Timor-leste.
AVIZU Emitidu: 20/09/2024 (8:40 Otl)
AVIZU validu : 21/09/2024 (00:00 Otl)
🌧Ekipa Previzaun Tempu DNMG-MTC la haluha hato’o boa semana no bom trabalho ba ita hotu🌧
