Manufahi RKM News ===sesta feira ne’e (18/10) komunidade aldeia Ailuli oferese rai hectares ha’at ba eskola santa bakhita ho razaun katak atu komunidade sira nia oan asesu ba educasaun ba iha future aumesmu tempo mos halo kedas lansamentu fatuk dahuluk ba eskola refere.
Presidente Repúblika Jose Ramus Horta hatete ne’e inisitiva ida ne’ebe maka di’ak tamba rai ne’e komunidade nia tamba ne’e amigo husi Nasaun Vizino Autralia tinan barak ona apoiu sentru eskola santa bakhita ne’e iha rai manufahi tamba ne’e maka komunidade sira iha inisiativa ida hodi oferese rai privadi ne’e atu hodi garantia educasaun ba iha future.
Fatin hanesan komunidade Asam Tavares hatete nia parte fo rai ne’e eskola santa bakhita ne’e la’os tamba osan maibe tanba atu hodi investe educasaun ba iha future nia, tanba ne’ agora Era glabalizasaun ne’e prisija ema intelectual tamba educasaun maka xave ba dezemvolvimentu.
“oferese rai ne’e la’os gratuita maibe atu hodi fasilita ba educasaun ba gerasaun foun sira iha future.
Nune’e mos Presidente Autoridade Munispiu Manufahi Luis Marçal da Costa Tavares agradese ba inisitiva komunidade sira nian tamba oferese ona rai gratuita ba ema ne’ebe maka investe educasaun maibe ita mos ba future sei aplika lei ida konaba investe sira ne’e maibe agora dadaun ne’e inisitiva di’ak ida parte autoridade sira mos tenke apoiu maximu maibe lei nafatin aplika.
Entretantu iha lansamentu fatuk dahuluk ne’e partisia mos husi Presidente Repúblika ,presidente Autoridade Munisipio Manufahi inklui komunidade sira no orsamentu ne’ebe apoiu hodi hala’o konstrusaun ba edifisiu eskola santa bakhita ne’e mai husi Australia.
Resportagem : ekipa RKM
