ATENSAUN ESPECIAL BA ANIN IHA REJIAUN KOSTEIRAS PRINSIPALMENTE IHA KOSTA NORTE⚠⚠
(RAEOA, LIKISA, DILI, ATAURO, MANATUTO no BAUCAU).
Velosidade ANIN ba loron ohin, sei kontinua permanese hu’u ho intensidade MODERADU/NATON-FORTE (18-25 km/h) iha rejiaun kosteiras no bele lokalmente FORTE LIU/EXTREMU (>30 km/h) prinsipalmente iha KOSTA NORTE. Enkuantu REJIAUN CENTRAL no KOSTA SUL mak kondisaun refere sei varia husi NORMAL to’o MODERADU/NATON (10-21 km/h).
🛑Risku🛑
* Potensia ba ai-tohar/monu, estraga uma sira ne’ebe estrutura la metin;
* Influensia Laloran tasi a’as
* Atensaun ba maluk viajantes sira ho transporte maritima ne’ebe mak hala’o hela operasaun no mos maluk peskador sira ne’ebe mak realiza hela atividade peska nian hodi atentu no tau atensun ba kondisaun refere.
⚠ATENSAUN BA KONDISAUN LALORAN TASI⚠
LALORAN TASI nia A’AS ba loron ohin sei varia husi NORMAL (0.3-1.0 m) iha KOSTA SUL. Enkuantu iha KOSTA NORTE exceptu munisipiu RAEOA mak kondisaun refere sei varia husi NORMAL to’o MODERADU/NATON (0.4-1.1m).
#KONDISAUN TEMPU#
Ekipa Previzaun Tempu husi MTC-DNMG hakarak informa ba publiku katak previzaun tempu ba LORON OHIN hatudu katak kondisaun atmosfera sei instavel, iha ne’ebe sei kauza UDAN ho intensidade CHUVISKA to’o FRAKU prinsipalmente iha rejiaun kosteiras/parte foho KOSTA NORTE nian, liu-liu ba munisipiu sira hanesan: LIKISA, RAEOA no REJIAUN CENTRAL (AILEU, AINARO ERMERA no BOBONARO). Enkuantu iha KOSTA SUL nian exceptu munisipiu sira hanesan: MANATUTO (parte BARIQUE) no MANUFAHI mak sei akontese UDAN ho intensidade hanesan, restu munisipiu sira seluk maioria NAROMAN ho KALOHAN BALUN.
#NOTA INFORMATIVA
*Husu ba komunidade em jeral liu-liu sira ne’ebe lokaliza iha area sira ne’ebe previstu ba (ATENSAUN ESPESIAL), liu-liu ba intensidade ANIN iha rejiaun kosteiras, atu kontinua atenta hodi evita ita husi dezastre neebe ita la espera.
*Akompanha nafatin atualizasaun informasaun kona previzaun
Tempu husi DNMG Timor-leste.
AVIZU Emitidu: 22/10/2024 (09:47 Otl)
AVIZU validu : 23/10/2024 (00:00 Otl)
🌊Ekipa Previzaun Tempu no Eventu Extremu DNMG-MTC
la haluha hato’o BOA SEMANA ba ita hotu🌊
