ATENSAUN ESPESIAL BA ANIN IHA KOSTA NORTE⚠⚠
(ATAURO, DILI, MANATUTO, BAUCAU no LAUTEM).
Intensidade ANIN ba loron ohin, sei kontinua intesnifika hu’u ho velosidade ba MODERADU/NATON ba FORTE (18-26 km/h) prinsipalmente iha KOSTA NORTE, liu-liu ba munisipiu sira ne’ebe mensionadu ona iha leten, preferensialmen iha periodu MEIO-DIA ba LOROKRAIK.
🛑Risku🛑
Iha potensia ba mota tun, bee sa’e, deskarga eletrika, ai monu/tohar, estraga uma (uma ne’ebe estrutura ladun metin bele hetan estragus) no seluk seluk tan.
#KONDISAUN TEMPU#
MTC-DNMG, ekipa Previzaun tempu no eventu extremo hakarak informa ba publiku katak previzaun tempu ba loron ohin, kondisaun atmosfera sei estavel, iha ne’ebe maioria munisipiu sira NAROMAN HO KALOHAN BALUN, exceptu munisipiu balun hanesan: ERMERA (parte HATOLIA) no RAEOA (parte foho), BAUCAU (parte VENILALE) no KOSTA SUL mak formasaun kalohan konvektivu sei dezenvolve-an taka hodi kauza udan ho intensidade CHUVISKA ba FRAKU, preferensialmente iha periodu LOROKRAIK ba INISIU KALAN.
#KONDISAUN LALORAN TASI#
Laloran Tasi nia A’AS ba loron ohin sei kontinua permanese NORMAL (0.2-0.8 m) tantu iha KOSTA NORTE kuantu iha KOSTA SUL.
#NOTA_INFORMATIVA#
*Wainhira Anin boot & Rai Lakan, husu ba populasaun sira atu hadook a’an husi fatin risku sira no buka hela iha fatin ne’ebé seguru.
*Kazu emergênsia ruma ou karik presiza halo evakuasaun, mantein kalma nafatin, evita paniku no rona orientasaun husi Autoridade Lokal ou Pessoal Protesaun Sivil ne’ebé besik.
*Akompanha nafatin atualizasaun informasaun kona ba previzaun
Tempu husi DNMG Timor-leste.
AVIZU Emitidu: 19/11/2024 (09:42 Otl)
AVIZU validu: 20/11/2024 (00:00 Otl)
🌊Ekipa Previzaun Tempu no Eventu Extremu DNMG-MTC, la haluha hato’o BOA SEMANA ba ita hotu🌊.
