KONDISAUN TEMPU#
⚠ATENSAUN BA UDAN IHA REJIAUN CENTRAL ⚠
MTC-DNMG, ekipa Previzaun tempu no eventu extremo hakarak informa ba publiku katak, kondisaun tempu ba loron tolu (3) tuir sei kontinua instavel, iha ne’ebe sei kontinua permanese favorese udan ho intensidade FRAKU ba MODERADU/NATON no bele lokalmente FORTE prinsipalmente iha REJIAUN CENTRAL, liu-liu ba munisipiu sira ne’ebe markadu ho kor KINUR assosia mos ho fatores lokais, lokalizasaun geografika no topografia iha munisipiu sira ne’ebe mensionadu ona iha leten, preferensialmente iha periodu LOROKRAIK ba INISIU KALAN.
#KONDISAUN ANIN#
⚠ATENSAUN BA ANIN IHA REJIAUN KOSTEIRAS⚠
Intensidade ANIN durante loron tolu (3) tuir mai, sei kontinua persiste hu’u ho velosidade NORMAL ba MODERADU/NATON
(8-19 km/h) tantu iha KOSTA NORTE kuantu iha KOSTA SUL. Enkuantu iha REJIAUN CENTRAL, kondisaun refere sei varia husi NORMAL (6-15 km/h).
#KONDISAUN LALORAN TASI#
Laloran Tasi nia A’AS ba loron ohin sei kontinua varia husi NORMAL (0.2-0.9 m) tantu iha KOSTA NORTE kuantu iha KOSTA SUL.
🛑Risku🛑
Iha potensia ba mota tun, bee sa’e, deskarga eletrika, ai monu/tohar, estraga uma (uma ne’ebe estrutura ladun metin bele hetan estragus) no seluk seluk tan.
#NOTA_INFORMATIVA#
*Wainhira Udan, Anin boot & Rai Lakan, husu ba populasaun sira atu hadook a’an husi fatin risku sira no buka hela iha fatin ne’ebé seguru.
* Husu mos ba maluk peskador sira ne’ebe mak hala’o hela atividade peska nian no maluk viajantes sira ho transporte maritima hodi tau atensaun maximu ba kondisaun laloran tasi iha KOSTA SUL hodi evita dezastre sira ne’ebe mak ita hotu la espera.
*Kazu emergênsia ruma ou karik presiza halo evakuasaun, mantein kalma nafatin, evita paniku no rona orientasaun husi Autoridade Lokal ou Pessoal Protesaun Sivil ne’ebé besik.
*Akompanha nafatin atualizasaun informasaun kona ba previzaun
Tempu husi DNMG Timor-leste.
AVIZU Emitidu: 19/11/2024 (17:34 Otl)
AVIZU validu: 23/11/2024 (00:00 Otl)
🌊Ekipa Previzaun Tempu no Eventu Extremu DNMG-MTC, la haluha hato’o BOA SEMANA ba ita hotu🌊
