Manufahi RKM News ==Loron Segunda feira nee 25/11 PRADET hamutuk ho parseiru lokal, parseiru Instituisional Ativista Lideransa no Komunidade husi suku Letefoho komemora loron 16 prevensaun violensia kontra feto, ho Nia objectivo atu anunsia ba publika ezistensia aktividade KOKOSA, hodi hasae nivel koinesimento Komunidade nian, nune bele uja kbiit ho balansu Iha familia, Komunidade no sociedade, aktividade nee rasik realija Iha sede suku Letefoho.
Xefi do suku Letefoho João Noronha hateten, ‘’Iha suku Letefoho kazu violensia kontra feto menus Tamba ho aktividade KOKOSA hodi fahe informasaun ba Komunidade sira, hodi minimija violensia domestika Iha familia, Tamba violensia kontra feto no labarik feto nee krimi publiku no inpaktu makas ba ita Nia jerasaun tuir Mai.
fatin hanesan pontu fokal SEII Munisίpiu Manufahi Natalino Corte Real informa, aktividade ida nee laos komemora deit Iha manufahi maibe mundu tomak, hodi bolu atensaun ba ema hotu hotu, oinsa atu bele halo prevensaun no kambate violensia kontra feto no labarik feto Iha mundo no Timor-leste.
Iha fulan hirak ba kotuk Secretaria Estadu Igualidade no Inkluzaun halao mos socialijasaun prevensaun violensia kontra feto no labarik feto, ba Komunidade suku mahaquidan Alas, estudante sekundaria tekniku Betanu, inklui mos estudante secundaria jeral 1912 same. Iha Timor- Leste Munisipiu Manufahi tama Iha munisipiu da hitu ne’ebe menus husi violensia kontra feto no labarik feto.
Reprejentante PAM hanesan mos Secretaria Munisipiu Filomena da Costa Nunes hateten, agradese wain ba equipa KOKOSA, Tamba ho aktividade ida ne’e bele hamenus dadauk ona Violensia Iha ita Nia Komunidade, I husu mos ba ita hotu hotu Iha fatin ida nee, nafatin kontinua socializa ba Komunidade sira seluk ne’ebe la partisipa atu prevene aan husi violensia sira ne’ebe Nia inpactu boot tebes ba ema hotu Nia vida no kondisoens ema humana ida nian.
Iha komemorasaun ida nee ita hotu hotu buka atu nafatin kolabora ba malu, halo dialogu neebe diak, konversa neebe diak para bele hamenus violensia sira, tamba violosaun nee mosu Tamba menus komunikasaun.
entretantu Iha komemorasaun loron 16 prevensaun violensia kontra feto harame ho aktividade dansa kultura modernu, pozia, drama ,quis, halai karon, tata Berlindu no pinta.
Reportajen equipa RKM.
