Manufahi RKM News===Loron sexta (22/11) ohin Secretario Estadu kooperstiva ho deputado komisaun D halo visita ba Grupu Kooperativa iha Suku Holarua Postu Administrativu Same Munisipiu Manufahi.
Xefe suco Holarua João Corte-Real agradese ba Secretaria estadu kooperativa ne’ebe fo apoiu ona ba grupu ne’e hamrik ho osan rasik hodi ajuda maluk sira ne’ebe hetan susar.
“Hau husu ba Presidente grupu kooperativa LEOFATCIL atu kuidadu diadiak ho osan sira neebe rai ona”hodi fo apoiu maluk sira presija.
Presidente Autoridade Munisipiu Manufahi Luis Marçal da Costa Tavares hateten sekretaria estado kooperativa halo visita mai iha ita boot sira nia grupu tanba grupo ne’e nia existência keleur ona imi existi nafatin “hau rona imi rai osan barak ida iha suco ne’e espera katak imi lao nafatin”.
imi bele tau plano ba oin bele hetan formasauan ba menberu sira oinsa jere grupu ho diak plano ba oin tenke iha hodi estabelese mos imi nia edifisu diak hodi kontinua ba oin,
ne’e hanesan motivasauna mai ita hotu laos iha parte osan nian deit maibe bele hare ba iha parte vida toos, hakiak animal ne’e maka lori komunidade sira moris ho kbi’it rasik.
ita lá bele mai ho pensamentu ida katak hotu-hotu tenke sai funsionariu publiku maka nia foin bele moris no estatu foin bele sae maibe ho maneira seluk hanesan ita boot sira hatudu hela ida ne’e mos bele hadia ita economia moris.
“hau urgulu komunidade rasik imi bele hamosu ideia ida ne’e hodi halo kaman tebes governo liu-liu governo local agora halo serbisu makaas iha área agricultura oinsa hodi hasae produsaun hadia economia basik komunidade nia.”
Presidente grupu LEOFATCIL Tito de Araujo hateten durante Timor-Leste halo independensia to’o agora ita hare iha biografia ema barak maka sei hetan mal nutrisaun,
tanba ne’e ami komunidade iha hanoin ida hodi hari grupu kooperativa kiik to’o agora ho ema uitoan maibe ema no osan mos kiik maibe osan mos hahu Sae uitoan no ema mos aumenta tan, ami nia osan ne’e rai fo impresta ba ema sira ami mos hodi konstrui ami nia edifisu kiik ida maibe lá suficiente, tanba ne’e ami husu ba sekretario estadu kooperativa atu fo apoiu tan ami nia grupu ida ne’e.
Sekretario Estadu Kooperativa Arsenio Pereira hateten grupu kooperativa ne’e ida ne’e hahu ho kiik maibe to’o ohin loron boot ona mesmu União kreditu maibe sira mos iha hanoin katak bele halo ho actividade seluk hodi sai fontes ba menberu sira rasik para sira nia rendimento ne’e mai tau nafatin kreditu kooperativa hodi fo impresta tutan ba iha menbrus, ida ne’e maka sei fo kontribuisaun ba economia familiar governo nebe deit iha intensaun atu facilita ba nia populasaun sira bele investe sira nia economia família nian.
Sekretario Estadu Kooperativa nia orsamentu ba tinan ida ne’e osan $ 5.2 milhões Parlamento aprova ona final klobal Sekoop nian aprova ona 6.053 milhões ba iha tinan oin mai,
Rekomendasaun sira ne’e ita tau iha planu tau orsamentu iha neba tuir planu asaun anual hodi estimula komunidade kooperativa sira hodi hasae rendimentu hodi sustentável sira nia família, nia dehan.
“hau urgulu tanba ema hotu iha Timor Leste book an hotu”hakarak involve an iha kooperativa ne’e laos deit iha área rural deit maibe iha nasional no mos Parlamento nasional iha mos grupu kooperativa rasik, tanba kooperativa diferente ho grupu ne’e lá iha sustentabilidade.
Reportajen equipa RKM.
