PREVIZAUN TEMPU (07/02/2025)*

#KONDISAUN TEMPU#
Ekipa Previzaun Tempu husi MTC-DNMG hakarak informa ba publiku katak kondisaun atmosfera instavel hela iha territoriu Nasional no akompanha anin hu’u ho velosidade husi NORMAL-MODERADU.
Previzaun Tempu ba loron ohin:
1. DADER: Kalohan Taka no udan chuvisca-Fraku
2. MEIO-DIA: Kalohan Taka Udan Fraku-Moderadu
3. LORAIK: Udan Fraku-Moderadu4. KALAN: Kalohan Taka udan Fraku
⚠ATENSAUN ba udan ho nia intensidade husi FRAKU-MODERADU iha munisipiu sira mak hanesan tuir mai ne’e BOBONARO, VIQUEQUE, MANATUTO(Barique), MANUFAHI, COVALIMA, ERMERA, AILEU, LIKISÁ, inklui RAEOA.
⚠⚠ATENSAUN ESPECIAL ba anin ho nia velosidade husi NORMAL-MODERADU no lokalmente FORTE iha COSTA NORTE, LESTE, SUL, no illa Timor-Leste nian.
Instabilidade atmosfera ne akontese tamba agora dadaun monsaun azia ne’ebe mak iha faze ativa hela ho La Nina ativa ho 82% no estabelesimentu MJO, no Diferensa Presauun ho nune Kauza kondisaun atmosfera instavel hodi favorese UDAN ho intensidade MODERADU/NATON no lokalmente FORTE no anin hu’u ho velosidade husi NORMAL-MODERADU.
#KONDISAUN ANIN#
Anin hu’u ho Velosidade NORMAL to’o MODERADU iha parte COSTA NORTE, LESTE no SUL no LALORAN TASI mos husi NORMAL-MODERADU tantu COSTA SUL enkuantu COSTA DORTE.
#NOTA_INFORMATIVA#
*Wainhira Udan, Anin boot & Rai Lakan, husu ba populasaun sira atu hadook a’an husi fatin risku sira no buka hela iha fatin ne’ebe seguru.
*Kazu emergênsia ruma ou karik presiza halo evakuasaun, mantein kalma nafatin, evita paniku no rona orientasaun husi Autoridade Lokal ou Pessoal Protesaun Sivil ne’ebe besik.
*Akompanha nafatin atualizasaun informasaun kona ba previzaun Tempu husi DNMG Timor-leste.
Bulletim Emitidu: 07/02/2025 (11:30 Otl)
Bulletim validu: 08/02/2025 (00:00 Otl)
Ekipa Previzaun Tempu no Eventu Extremu DNMG-MTC, la haluha hato’o BOM TRABALHO ba ita hotu.