ATENSAUN ESPESIAL ba Udan ho intensidade MODERADU/naton ba FORTE iha rejiaun NORTE liu-liu ba munisipiu sira hanesan: MANATUTO no BAUCAU⚠️⚠️
Ekipa Previzaun Tempu husi MTK-DNMG hakarak informa ba publiku katak Kondisaun atmosfera sei intensifika ninia instabilidade atmosferika ba LORON OHIN, iha ne’ebe sei favorese UDAN ho intensidade MODERADU/naton ba FORTE no lokalmente FORTE LIU/EXTREMU, prinsipalmente iha rejiaun NORTE liu-liu ba munisipiu sira hanesan: (MANATUTO no BAUCAU) preferensialmente iha rejiaun foho durante periodu LOROKRAIK ba INISIU KALAN. Enkuantu restante munisipiu sira seluk iha territoriu nasional, kondisaun refere sei akontese UDAN ho intensidade CHUVISKA ba FRAKU.
Kondisaun atmosfera agora daudauk maioria munisipiu sira iha território Timor laran predominante NAROMAN ho KALOHAN BALUN.
#KONDISAUN ANIN no LALORAN TASI#
Intensidade ANIN ba loron sei kontinua varia husi NORNAL (04-12 km/h) iha territoriu nasional. Enkuantu laloran tasi nia A’AS mos sei kontinua NORMAL (0.1-0.5 m) tantu iha KOSTA NORTE kuantu iha KOSTA SUL.
🛑ALERTA ba INDICE RADIASAUN ULTRAVIOLETA🛑
Intensidade RADIASAUN LORO-MATAN ba loron ohin sei kontinua persiste ho ninia intensifikasaun, iha ne’ebe sei varia husi FORTE ba FORTE LIU/EXTREMU hahu oras 10:00 OTL to’o 15:00 OTL ho balun.
Eventual ne’e akontese tanba hetan influensia husi interasaun entre super aquecimento superficial no pozisaun solar, akompanha ho reflesaun superficial no alta temperatura superfície do mar/tasi nian assosia ho intensifikasaun Outgoing Longwave Radiation/Radiasaun Onda Longa (ROL) ne’ebe mak agora daudauk iha faze positiva no FORTE hodi kuaza RADIASAUN loro-matan sai manas liu tan durante oras prevista/mensiona ona iha leten.
APELA BA PUBLIKU EM JERAL
-Uza protetor solar no xapeu normal/akadiru no okulo loro-matan ne’ebe taka raio UV bainhira hala’o atividade ruma iha liur;
-Buka meios hela iha mahon durante periodu extremu RADIASAUN loro-matan no
– Aplika likidu hidratasaun kada oras.
* Akompanha nafatin informasaun kona ba Previzaun Tempu husi DNMG Timor-Leste.
Bulletim emitidu: 06/03/2025 (08:55 OTL)
Bulletim validu: 07/02/2025 (00:00 OTL)
Ekipa Previzaun Tempu no Eventu Extremu DNMG-MTK lá haluha hato’o “BOA SEMANA”ba Ita hotu.
