PREVIZAUN TEMPU LORON TOLU (3) TUIR MAI (10-13/03/2025).

ATENSAUN ESPESIAL ba UDAN ho intensidade FORTE ba FORTE LIU/extremu, liu-liu ba munisipiu sira ne’ebe marka ho kor LARANJA. Detallu liu bele hare iha (tabela) anexu🟠

Ekipa Previzaun Tempu husi MTK-DNMG hakarak informa ba publiku em jeral katak Kondisaun atmosfa ba loron tolu (3) tuir mai sei kontinua persiste instavel, iha ne’ebe sei kontinua favorese UDAN ho intensidade FRAKU ba MODERADU/naton no lokalmente FORTE kuaze iha territoriu nasional durante loron rua (2) tuir mai. Exceptu iha loron Quinta-Feira, (13/03/2025) mak kondisaun refere sei intensifika liu no iha tendensia atu favorese UDAN ho intensidade MODERADU/naton ba FORTE no lokalmente FORTE LIU/extremu, liu-liu ba munisipiu sira ne’ebe ho marka kor (LARANJA). Detallu liu bele hare iha (tabela) anexu.

#KONDISAUN ANIN no LALORAN TASI#

⚠ATENSAUN BA ANIN HO INTENSIDADE MODERADU/naton, iha REJIAUN KOSTEIRAS, prinsipalmente iha KOSTA NORTE⚠

Intensidade ANIN ba loron tolu (3) tuir mai, sei kontinua persiste varia husi MODERADU/naton (16-20 km/h), prinsipalmente iha KOSTA NORTE. Enkuantu restante munisipiu sira seluk, kondisaun refere sei kontinua persiste varia husi NORMAL
(10-15 km/h) tantu iha REJIAUN CENTRAL kuantu iha KOSTA SUL.

🔺RISKU🔺
Iha potensia ba mota tun, bee sa’e, deskarga eletrika, ai monu/tohar, estraga uma (uma ne’ebe estrutura ladun metin bele hetan estragus) no seluk seluk tan.

#NOTA_INFORMATIVA#
*Wainhira Udan, Anin boot &no Rai Lakan, husu ba populasaun sira atu hadook a’an husi fatin risku sira no buka hela iha fatin ne’ebé seguru.
*Kazu emergênsia ruma ou karik presiza halo evakuasaun, mantein kalma nafatin, evita paniku no rona orientasaun husi Autoridade Lokal ou Pessoal Protesaun Sivil ne’ebé besik.

OBS:
Previzaun refere sujeita ba atualizasaun: PREVIZAUN TEMPU DIARIA/LORON-LORON NIAN.

*Akompanha nafatin atualizasaun informasaun kona ba previzaun
Tempu husi DNMG Timor-leste.

AVIZU Emitidu: 10/03/2025 (16:30 Otl)
AVIZU validu: 14/03/2025 (00:00 Otl)

🌊Ekipa Previzaun Tempu no Eventu Extremu DNMG-MTK, la haluha hato’o “BOA SEMANA” ba ita hotu🌊.