️ALERTA ba UDAN ho intensidade FORTE no lokalmente FORTE LIU/EXTREMU iha munisipiu sira hanesan ERMERA, BOBONARO, SAME no MANATUTO (Barique) ba loron ohin preferensialmente iha parte LORAIK⛔️.
Ekipa Previzaun Tempu husi MTK-DNMG hakarak informa ba publiku katak instabilidade atmosfera sei kontinua intensifika ho presença sistema meteorolojiku ida hanaran: ONDAS de ROSSBY EQUATORIAL iha fase ativa ho estadu FORTE iha ne’ebe sei favorese UDAN ho intensidade MODERADU/naton ba FORTE no lokalmente FORTE LIU/EXTREMU kuaze iha territoriu nasional tantu iha rejiaun KOSTEIRSAS kuantu iha rejiaun foho.
Kondisaun atmosfera agora daudauk maioria munisipiu sira iha território Timor laran predominante ho KALOHAN TAKA-UDAN CHUVISKA no lokalmente Udan FRAKU prinsipalmente iha rejiaun foho.
#KONDISAUN ANIN no LALORAN TASI#
Intensidade ANIN ba loron sei kontinua varia husi NORNAL (05-14 km/h) iha territoriu nasional. Enkuantu laloran tasi nia A’AS mos sei kontinua NORMAL (0.1-0.6 m) tantu iha KOSTA NORTE kuantu iha KOSTA SUL.
🟠ATENSAUN ESPESIAL ba TEMPESTADE🟠
DNMG hakarak apela ba publiku em jeral iha territoriu nasional katak presija atentu hodi tau ATENSAUN ba tempestade hanesan: RAI LAKAN liu-liu ba sira ne’ebe mak hala’o atividade iha liur, principalmente iha KOSTA SUL, atu nune’e bele hadok a’an husi dezastre sira ne’ebe Ita lá espera.
* Akompanha nafatin informasaun kona ba Previzaun Tempu husi DNMG Timor-Leste.
Bulletim emitidu: 11/03/2025 (09:00 OTL)
Bulletim validu: 12/03/2025 (00:00 OTL)
Ekipa Previzaun Tempu no Eventu Extremu DNMG-MTK lá haluha hato’o “BOA SEMANA”ba Ita hotu.
