ATENSAUN EDPESIAL ba UDAN KONVEKTIVU ho intensidade MODERADU/naton ba FORTE iha rejiaun CENTRAL no KOSTA SUL)
Ekipa Previzaun Tempu husi MTK-DNMG hakarak informa ba publiku katak, instabilidade atmosferika ba loron ohin sei intensifika liu iha REJIAUN CENTRAL no KOSTA SUL, iha ne’ebe sei kontinua favorese UDAN ho intensidade MODERADU/naton ba FORTE no lokalmente FORTE LIU/extremu liu-liu ba munisipiu sira hanesan:
(AILEU, AINARO, COVALIMA, MANUFAHI, MANATUTO, VIQUEQUE no LAUTEM), tantu iha REJIAUN foho kuantu iha KOSTEIRAS/tasi ibun. Enkuantu restante munisipiu sira seluk, sei akontese UDAN ho intensidade FRAKU ba MODERADU/naton durante periodu LOROKRAIK ba INISIU KALAN.
Kondisaun atmosfera agora daudauk, maioria munisipiu sira iha territoriu nasional predominante KALOHAN taka- UDAN CHUVISKA no lokalmente Udan FRAKU. Exceptu KOSTA SUL parte KOSTEIRAS prinsipalmente iha munisipiu sira hanesan: (MANUFAHI, MANATUTO, VIQUEQUE no LAUTEM) mak agora daudauk Udan MODERADU/naton.
#KONDISAUN ANIN no LALORAN TASI#
🟠ATENSAUN ESPESIAL BA ANIN ho intensidade MODERADU ba FORTE iha rejiaun KOSTEIRAS prinsipalmente iha KOSTA NORTE liu-liu ba munisipiu sira hanesan: (LIKISA, DILI, ATAURO, MANATUTO, BAUCAU, VIQUEQUE no LAUTEM)🟠
Intensidade ANIN ba Loron Ohin sei intensifika liu iha KOSTA NORTE no parte KOSTA SUL, iha ne’ebe sei hu’u ho velosidade MODERADU/naton ba FORTE (16-20 km/h) iha MUNISIPIU sira ne’ebe mensionadu ona iha leten. Enkuantu restante munisipiu sira seluk iha territoriu nasional, Kondisaun refere sei varia husi NORMAL ba MODERADU/naton (10-18 km/h). Nune’e mos Laloran Tasi nia A’AS ba Loron Ohin, sei kontinua permanese NORMAL (0.3 m-0.9 m) tantu iha KOSTA NORTE no SUL.
🛑RISKU🛑
Iha potensia ba mota tun, bee sa’e, deskarga eletrika, ai monu/tohar, estraga uma (uma ne’ebe estrutura ladun metin bele hetan estragus) no seluk seluk tan.
#NOTA_INFORMATIVA#
*Wainhira Udan, Anin boot no Rai Lakan, husu ba populasaun sira atu hadook a’an husi fatin risku sira no buka hela iha fatin ne’ebé seguru.
*Kazu emergênsia ruma ou karik presiza halo evakuasaun, mantein kalma nafatin, evita paniku no rona orientasaun husi Autoridade Lokal ou Pessoal Protesaun Sivil ne’ebé besik
*Akompanha nafatin atualizasaun informasaun kona ba previzaun
Tempu husi DNMG Timor-leste.
AVIZU Emitidu: 13/03/2025 (08:10 Otl)
AVIZU validu: 14/03/2025 (00:00 Otl)
🌊Ekipa Previzaun Tempu no Eventu Extremu DNMG-MTK, la haluha hato’o “BOA SEMANA” ba ita hotu
