Previzaun Tempu ba Loron Ohin, (14/03/2025)

ATENSAUN EDPESIAL ba UDAN ho intensidade MODERADU ba FORTE kontinua persiste iha rejiaun CENTRAL no KOSTA SUL, inklui RAEOA🟠.

Ekipa Previzaun Tempu husi MTK-DNMG hakarak informa ba publiku katak, instabilidade atmosferika ba loron ohin sei intensifika liu iha REJIAUN CENTRAL no KOSTA SUL iha ne’ebe sei kontinua favorese UDAN ho intensidade MODERADU/naton ba FORTE no lokalmente FORTE LIU/extremu liu-liu ba munisipiu sira hanesan:
(AILEU, AINARO, BOBONARO, ERMERA, COVALIMA, MANUFAHI, MANATUTO, VIQUEQUE no LAUTEM inklui RAEOA), tantu iha REJIAUN foho kuantu iha KOSTEIRAS/tasi ibun. Enkuantu restante munisipiu sira seluk, sei akontese UDAN ho intensidade FRAKU ba MODERADU durante periodu LOROKRAIK ba INISIU KALAN.

Kondisaun atmosfera agora daudauk, maioria munisipiu sira iha territoriu nasional predominante UDAN CHUVISKA ba lokalmente Udan FRAKU kuaze iha territoriu nasional.

#KONDISAUN ANIN no LALORAN TASI#

⚠️ATENSAUN ESPESIAL BA ANIN ho intensidade NORMAL ba MODERADU/naton iha rejiaun KOSTEIRAS prinsipalmente iha KOSTA NORTE liu-liu ba munisipiu sira hanesan: (ATAURO, MANATUTO, BAUCAU, no LAUTEM)⚠️

Intensidade ANIN ba Loron Ohin sei kontinua persiste hu’u ho velosidade NORMAL ba MODERADU/naton (08-18 km/h) prinsipalmente iha KOSTA NORTE liu-liu ba MUNISIPIU sira ne’ebe mensionadu ona iha leten. Enkuantu restante munisipiu sira seluk iha territoriu nasional, Kondisaun refere sei varia husi NORMAL (05-15 km/h). Enkuantu Laloran Tasi nia A’AS ba Loron Ohin, sei kontinua permanese varia husi NORMAL
(0.2 m-0.9 m) tantu iha KOSTA NORTE kuantu iha KOSTA SUL.

🛑RISKU🛑
Iha potensia ba mota tun, bee sa’e, deskarga eletrika, ai monu/tohar, estraga uma (uma ne’ebe estrutura ladun metin bele hetan estragus) no seluk seluk tan.

#NOTA_INFORMATIVA#
*Wainhira Udan, Anin boot no Rai Lakan, husu ba populasaun sira atu hadook a’an husi fatin risku sira no buka hela iha fatin ne’ebé seguru.
*Kazu emergênsia ruma ou karik presiza halo evakuasaun, mantein kalma nafatin, evita paniku no rona orientasaun husi Autoridade Lokal ou Pessoal Protesaun Sivil ne’ebé besik

*Akompanha nafatin atualizasaun informasaun kona ba previzaun
Tempu husi DNMG Timor-leste.

AVIZU Emitidu: 14/03/2025 (08:10 Otl)
AVIZU validu: 15/03/2025 (00:00 Otl)

🌊Ekipa Previzaun Tempu no Eventu Extremu DNMG-MTK, la haluha hato’o “BOA SEXTA-FEIRA” ba ita hotu