KONDISAUN TEMPU#
🟠ATENSAUN ESPESIAL ba UDAN ho intensidade MODERADU/naton ba FORTE no lokalmente FORTE LIU/extremu🟠
Ekipa Previzaun Tempu husi MTK-DNMG hakarak informa ba publiku em jeral katak Kondisaun atmosfa ba FIM de SEMANA ne’e nia laran to’o SEGUNDA-FEIRA, instabilidade atmosferika sei kontinua persiste tanba hetan influensia husi sistema meteorolojiku hanaran: (MADDEN JULIEN OSCILATION (MJO) ne’ebe ho ninia faze tranzisaun hakbesik-an mai ita nia kontinente maritima (TASI TIMOR) nian, iha ne’ebe sei kontinua favorese UDAN ho intensidade MODERADU/naton BA FORTE (10-20 mm/h) no lokalmente FORTE LIU/extremu (>20 mm/h) kuaze iha territoriu nasional prinsipalmente iha munisipiu sira ne’ebe ho marka kor (LARANJA/sabraka), tantu iha rejiaun KOSTEIRAS kuantu iha rejiaun FOHO. Detallu liu bele hare iha (tabela) anexu.
#KONDISAUN ANIN no LALORAN TASI#
🟠ATENSAUN ESPESIALBA ANIN IHA KOSTEIRAS, prinsipalmente iha KOSTA NORTE, liu-liu ba munisipiu sira hanesan:(LIKISA, DILI, ATAURO, MANATUTO no BAUCAU, LAUTEM inklui KOSTA SUL (COVALIMA))🟠
Intensidade ANIN ba FIM de SEMANA ne’e sei hu’u ho velosidade MODERADU/naton ba FORTE (16-24 km/h), no lokalmente FORTE LIU/extremu (>25 km/h) preferensialmente iha loron SABADO no DOMINGO (15/03/-16/03/2025) liu-liu ba munisipiu sira ne’ebe mensionadu ona iha leten. Enkuantu restante munisipiu sira seluk iha territoriu nasional, kondisaun refere sei varia husi NORMAL (0.5-10 km/h) tantu iha periodu DADER ba MEIO-DIA kuantu iha periodu LOROKRAIK ba INISIU KALAN.
🛑Risku🛑
Iha potensia ba mota tun, bee sa’e, deskarga eletrika, ai monu/tohar, estraga uma (uma ne’ebe estrutura ladun metin bele hetan estragus) no seluk seluk tan.
#NOTA_INFORMATIVA#
*Wainhira Udan, Anin boot & Rai Lakan, husu ba populasaun sira atu hadook a’an husi fatin risku sira no buka hela iha fatin ne’ebé seguru.
*Kazu emergênsia ruma ou karik presiza halo evakuasaun, mantein kalma nafatin, evita paniku no rona orientasaun husi Autoridade Lokal ou Pessoal Protesaun Sivil ne’ebé besik.
*Akompanha nafatin atualizasaun informasaun kona ba previzaun
Tempu husi DNMG Timor-leste.
OBS: previzaun refere sujeita ba atualizasaun: PREVIZAUN TEMPU LORON-LORON NIAN.
AVIZU Emitidu: 14/03/2025 (16:30 Otl)
AVIZU validu: 18/03/2025 (00:00 Otl)
🌊Ekipa Previzaun Tempu no Eventu Extremu DNMG-MTK, la haluha hato’o “BOM FIM DE SEMANA” ba ita hotu🌊.
