Previzaun Tempu ba Loron Ohin, (18/03/2025)*.

ATENSAUN ESPESIAL ba UDAN ho intensidade MODERADU ba FORTE no lokalmente FORTE LIU/extremu sei kontinua persiste iha teritoriu nasional🟠.

Ekipa Previzaun Tempu husi MTK-DNMG hakarak informa ba publiku katak, instabilidade atmosferika ba loron ohin sei kontinua persiste instável iha territoriu nasional tanba hetan influensia husi sistema meteorolojiku hanaran: Madden Julien Oscillation (MJO) ne’ebe agora daudauk iha faze ativa iha kontinente marítima, inklui ilha Timor nian akompanha MONSAUN ASIA ne’ebe sei kontinua permanese ho ninia faze tranzisaun ativa, iha ne’ebe sei kontinua favorese UDAN ho intensidade MODERADU/naton ba FORTE no lokalmente FORTE LIU/extremu kuaze iha território nasional tantu iha rejiaun KOSTEIRAS/tais ibun kuantu iha rejiaun filho, preferensialmente iha periodu LOROKRAIK ba INISIU KALAN.

Kondisaun Tempu agora daudauk, maioria munisipiu sira iha teritoriu nasional predominante ho KALOHAN TAKA-UDAN ba UDAN CHUVISKA, exceptu iha KOSTA SUL no REJIAUN CENTRAL inklui REJIAUN OESTe LIKISA no BOBONARO mak UDAN FRAKU no lokalmente UDAN MODERADU/ naton.

#KONDISAUN ANIN no LALORAN TASI#

🟠ATENSAUN ESPESIAL BA ANIN ho intensidade NORMAL ba MODERADU/naton iha rejiaun KOSTEIRAS prinsipalmente iha KOSTA NORTE liu-liu ba munisipiu sira hanesan: (ATAURO, MANATUTO, BAUCAU, no LAUTEM)🟠

Intensidade ANIN ba Loron Ohin sei kontinua persiste hu’u ho velosidade MODERADU/naton ba FORTE (16-24 km/h) no lokalmente FORTE LIU/extremu (>25 km/h) prinsipalmente iha KOSTA NORTE liu-liu ba MUNISIPIU sira ne’ebe mensionadu ona iha leten. Enkuantu restante munisipiu sira seluk iha territoriu nasional, Kondisaun refere sei hu’u ho velosidade NORMAL ba MODERAD/naton (08-16 km/h). Enkuantu Laloran Tasi nia A’AS ba Loron Ohin, sei kontinua permanese varia husi NORMAL
(0.2 m-0.9 m) tantu iha KOSTA NORTE kuantu iha KOSTA SUL.

🛑RISKU🛑
Iha potensia ba mota tun, bee sa’e, deskarga eletrika, ai monu/tohar, estraga uma (uma ne’ebe estrutura ladun metin bele hetan estragus) no seluk seluk tan.

#NOTA_INFORMATIVA#
*Wainhira Udan & Anin boot no Rai Lakan, husu ba populasaun sira atu hadook a’an husi fatin risku sira no buka hela iha fatin ne’ebé seguru.
*Kazu emergênsia ruma ou karik presiza halo evakuasaun, mantein kalma nafatin, evita paniku no rona orientasaun husi Autoridade Lokal ou Pessoal Protesaun Sivil ne’ebé besik

*Akompanha nafatin atualizasaun informasaun kona ba previzaun
Tempu husi DNMG Timor-leste.

AVIZU Emitidu: 18/03/2025 (08:20 Otl)
AVIZU validu: 19/03/2025 (00:00 Otl)

🌊Ekipa Previzaun Tempu no Eventu Extremu DNMG-MTK, la haluha hato’o “BOA SEMANA” ba ita hotu