Manufahi RKM News ===Loron 29/04 Tersa feira ne’e Cablaquy Comunity Developmen Center(CCDC) hamutuk ho parseiru civil society edukation partnership (CSEP) realiza seminariu progresu no dezafiu implementasaun planu estratejiku edukasaun nacional ho nia objektivu dezenvolvimentu sustentavel (ODS.4) iha salaun CCDC holarua same manufahi.
Directora interina CCDC Junita da Costa Araujo hateten, “Seminariu ida ne’e socialija objectivu dezenvolvimentu sustentavel (ODS.4) ne’ebe maka foka liuba kualidade edukasaun hodi loke foinsae hotu hotu nia hanoin atu hateke ba futuru oinsa maka ita bele garantia edukasaun iha ita nia munisipio rasik, ita nia esperansa iha seminariu ida nee ita tau liman hamutuk , hodi hadia no garantia kualidade edukasaun ida ne’ebe mais forte iha ita nia rain liuliu ita nia munisipio manufahi”.
Fatin hanesan vise konselin CSEP Fransisco de Araujo informa, CSEP ninia misaun maka atu hadia kualidade edukasaun iha timor-leste ,ita hare katak iha timor – leste edukasaun ne’e minimu tebes , tamba ita hare iha eskola sira menus tebes sala de aula,menus profesores,menus equipamentos elektroniku,ba eskola sira neebe tecniku , ida nee impaktu tebes ba estudante sira atu aprende ho diak iha eskola.
Reprejentante presidente autoridade Munisipiu Manufahi Xefi Gabineti apoiu tekniku Abelito Victor Da Costa hateten, Apresia ho CCDC ba inisiativa seminariu ida nee,ita hotu hatene katak CCDC hanesan fatin ida halibur joven marjinalijadu sira liu husi dalan formasaun ka kursu, alende kursu forma mos joven sira nia kapasidade mentalidade no hahalok moral sira ba futuru,atu hateten deit katak autoridade munisipio manufahi iha responsabilidade tomak ba setor hotu inklui edukasun.
Entretanto partisipa iha seminario ida nee mai husi estudante universitario IBTL,ISC, kursista CEFOBOM, AAHA edukation, estudante sekundaria 1912 no kristal, inklui kursista sira husi CCDC rasik.
Reportagem : Ina & Azhya
