Manufahi RKM News====loron tersa (29/4) secretaria estadu arte e kultura (SEAC) ho ekipa Administradór postu Alas no Presidente Autoridade Munisípiu Manufahi Inagura uma lisan rua (2) hanesan uma boot no uma kabitan iha suco Aituha aldeia Leodato postu administrativu Alas Munisípiu Manufahi.
Reprezentante katuas uma boot no uma kabitan Francisco Caitano Mendes Agradese ba governu liu husi Secretaria estadu arte e kultura ne’ebé apoiu orsamentu hodi inagura uma lisan rua (2) uma boot no uma kabitan tanba durante ne’e husi avo sira estadu nunka rekoñese maibé foin akontese ba ohin loron governu foin apoiu mai uma lisan rua.
Administradór postu Alas Aguelino Coelho agradese ba secretaria estadu arte kultura ho nia ekipa ne’ebé partisipa iha seremonia inagurasaun bá uma lisan rua (2)uma ida ne’ebé hanaran reprezentanta fukun tomak iha dato we ulun manu lain kaboran “ha’u hanoin pasu importante ida bein oan sira esforsu durante ne’e kona ba material konstrusaun nian”to’o ikus hetan apoiu husi governu.
Secretaria estadu arte e kultura Reprezenta husi Xefe Gabinete SEAC Francisco Taemauk husik hela mensajem ba iha ferik katuas no joven sira iha uma boot no kabitan oan atu konserva nafatin eransa sira ne’ebé avo beiala sira rai hela mai ita no jerasaun sira tenke asegura uma lisan ne’e,
Jerasaun foun sira atu asegura sasán lulik sira ne’ebé avo beiala sira rai hela mai ita eransa ida ne’e maka ita prezerva didiak,
“Ha’u husu bá jerasaun foun la bele koko foti buat lulik sira hodi ba faan ida ne’e kontra ukun no bandu bainhira keisa ruma ba iha secretaria estadu arte e kultura sei buka tuir”maibé governu liu husi Secretaria estadu arte e kultura iha dever tomak atu kontrola sasán sira ne’e tuir lei haruka Konstitusaun RDTL artigu 59 alina E no F hateten sidadaun hotu atu konstrui fali sira nia uma lisan no kultura.
Entertantu IX governu liu husi Secretaria estadu arte e kultura apoiu orsamentu $3000.00 hodi inagura uma lisan rua (2) uma boot no uma kabitan
Reportagem: Ekipa rkm
