Sekretaria ezekutivu Programa nasional dezenvolvimentu suco (PNDS) sosiliza informasaun ba autoridade lokal no ekipa PNDS suco kona ba regras mudansa implementa prgrama PNDS nian iha 2024 siklus dala 6 iha salaun autoridade Munisipio Manufahi.
PAMM Luis Marcal da Costa Tavares agradese ba PNDS sai ona autór Dezenvolvimentu iha área remotas sira hodi ajuda Governu sentrál hodi halo Dezenvolvimentu to’o suku no aldeia,
Presidenti autoridade husu ba identidade tomak ne’ebé invólve iha programa PNDS ba tinan ida ne’e tenki tau atensaun makas ba estrada rural iha suku no aldeia,
hodi fasilita povu sira hodi asésu ba merkadu atu hadia rendementu ekonómia povu Agrikultór.
Xefi Departementu rekursu umanu PNDS nasionál, Gina Braz reprezenta sekretariu ezekutivu tekniku PNDS hateten kada tinan molok atu implenta programa PNDS tenki halo uluk sosializasaun nivel Munisípiu ba lideransa komunitária no autóridade sira kona ba lala’ok savi no mata dalan implementasaun programa PNDS nian,
tanba nono governu kontinua tau priodade ba implentasaun programa PNDS.
Diretúr PNDS Munisípiu Manufahi, Moniz dos Reis Fernandes hateten kuantidade implentasaun programa PNDS iha Munisípiu Manufahi liu tiha kapasidade rekursu umanu ne’ebé PNDS iha,
tanba totál projetu PNDS nebe implenta iha Munisípiu Manufahi hamutuk projetu 513 projetu neebe finaliza ona hamutuk 400 resin,
No balun kontinua la’o hela maske infrenta defikuldade oin-oin maibé ita sempre buka alternativu hodi buka solusaun
Partisipa iha sosializasaun PNDS tinan 2024 ne’e, diretúr servísu munisipais, Administradór postu sira, komadante polisia, lideransa komunitária husi suku 29 iha Munisípiu Manufahi
