Manufahi RK News === Loron kuarta 14/02 Padre Paroquia Nosa Senhora de Assunção Same Fernando da Silva husu sarani sira iha tempo kuaresma haderan hodi hakribi sala sira hotu ne’ebe maka ita halo durante ita nia perigrinasaun iha mundu ida ne’e.
Padre fernandu da silva hato’o nia omilia ne’e ba sarani sira iha missa kuarta feira sinzas iha kapela São João Paulo II Holaru nia hateten iha tempo kuaresma ne’e atu fo hanoin mai ita konaba ita nia perigrinasaun no hare ba ita nia an ho sala sira hodi halo revisaun konaba ita nia vida relasaun ho nai maraomak
“ haderan an katak atu hare fila fali sala sira ne’ebe maka ita halo lor loron no sala bot liu iha mundu ne’e maka hanesan oho ema no inan feton sira halo abortu ,deve ema nia sasan ,haterus feto faluk no oan kiak sira no la selu ema ne’ebe halo servisu mai ita.
“ sala sira ne’ebe maka durante ita komete maka hanesan loko an,foti an,karak ten,hirus ten,baruk ten,hanoin sala fo’er,no keta laran moras ema nia sasan.
Nia akresenta liu tan katak Karik ita nia liman los fo sasan ba ema ruma ita nia liman karuk labele hatetene hateten padre Fernando.
Entertanto Tuir Observasaun Jornalista sira Tereno Sarani rihun ida resin mak partisipa iha Misa hodi rona mos avizu husi komisaun Organizadora ba kontribuisaun hodi Rehabilitasaun Igreja kapela São João Paulo II Holarua prepara ba Paroquia.
Reportagem : rkm