Manufahi RKM News – segunda feira ne’e (14/10) Autoridade Protesaun Sivil Munisipiu Manufahi halo Avalisaun servisu ho director liña ministerias no Director delegasaun teritorial sira kona ba dezastre Naturais sira ne’ebe maka durante ne’e akontese iha Manufahi no dezafio sira ne’ebe maka durante ne’e sira hasoru.
Xefe Jestaun Risku Dezastre Autoridade Protesaun Sivil Munisipiu Manufahi Joni Da Costa Martins hateten inkontru ho derector delegasaun teritoriu no director munisipais sira hotu atu hodi antisipa ka preparasaun hasoru elninu iha tempu oin mai,
It nia preparasaun ne’e halai liu ba gabinete gestaun risku dezastre munisipiu manufahi nia estok aihan no laos aihan sufisiente hela, bainhira estok aihan no mos laos aihan menus ita halo kedas pedidu ba iha nasional,
Wainhira ita hasoru eleninu bee sira sei maran hotu liu husi APC bomberus sira sei fornese bee mos ba komunidade sira maibe la tuir uma kain maibe sei fornese deit iha fatin publik atu nune’e komunidade sira bele utiliza bee mos ne’e hodi konsumu,
Alende ne’e kareta tanki hamutuk tolu bainhira hasoru situasaun elninu ita uza kareta tolu ne’e hodi fornese bee mos ba komunidade sira ne’ebe bee possu maran.
Nune mos xefe Departamentu Obras Públiku Munisipiu Manufahi Januario Rodregues hateten baihira mosu elninu protu atu servisu hamutuk ho autoridade protesaun silvil karik akontesementu ruma ligadu ba iha dezastre nian,
Parte obras public nia hare liu ba iha estrada no edifisiu publiku sira karik afeta kona ba dezastre naturais.
Entretantu objetivu husi inkontru ne’e hodi difini faktores sira durante ne’e sai hanesan dezafiu para ita tau hamutuk hanoin hodi buka meus atendementu efetivu ba komunidade sira no liga ba iha isu global sira hanesan metologia sei lori fenomena rua ne’ebe maka ita hasoru la mina no mos elninu,
La mina udan ben bele liu tia kondisaun normal loron sei lori tempu naruk hodi afeta ba komunidade munisipiu manufahi.
Reportagem : Ekipa RKM
