KONDISAUN ANIN#
⚠⚠ATENSAUN ESPESIAL BA ANIN IHA REJIAUN KOSTEIRAS, PRINSIPALMENTE IHA KOSTA NORTE⚠⚠
(DILI, ATAURO, MANATUTO, BAUCAU no LAUTEM)
Intensidade ANIN ba loron ohin sei kontinua persiste hu’u ho velosidade MODERADU/NATON to’o FORTE (16-30 km/h) prinsipalmente iha KOSTA NORTE, liu-liu ba munisipiu sira ne’ebe mensionadu ona iha leten. Enkuantu restu munisipiu sira seluk iha territoriu nasional, tantu iha REJIAUN CENTRAL kuantu iha KOSTA SUL, kondisaun refere sei kontinua permanese ho velosidade NORMAL ba MODERADU/NATON (8-20 km/h), preferensialmente iha periodu MEIO-DIA ba LROKRAIK.
🛑Risku🛑
* Potensia ba ai-tohar/monu, estraga uma sira ne’ebe estrutura la metin;
* Influensia Laloran tasi a’as
* Atensaun ba maluk viajantes sira ho transporte maritima ne’ebe mak hala’o hela operasaun no mos maluk peskador sira ne’ebe mak realiza hela atividade peska nian hodi atentu no tau atensun ba kondisaun refere.
#KONDISAUN LALORAN TASI#
Laloran tasi nia A’AS ba loron ohin sei kontinua permanese varia husi NORMAL (0.2-1.0 m) tantu iha KOSTA NORTE kuantu iha KOSTA SUL.
#KONDISAUN TEMPU#
Ekipa Previzaun Tempu husi MTC-DNMG hakarak informa ba publiku katak kondisaun atmosfera ba loron ohin sei instavel, iha ne’ebe kalohan konvektivu sei dezenvolve a’an taka hodi kauza UDAN ho intensidade CHUVISKA ba FRAKU kuaze iha territoriu nasional, tantu iha REJIAUN KOSTEIRAS kuantu iha REJIAUN MONTANHOSA/FOHO liu-liu iha KOSTA SUL, preferensialmente iha periodu LOROKRAIK ba INISIU KALAN.
* NB: Laiha previzaun ba UDAN extremu ba loron ohin nian.
*Akompanha nafatin atualizasaun informasaun kona previzaun
Tempu husi DNMG Timor-leste.
AVIZU Emitidu: 13/11/2024 (09:47 Otl)
AVIZU validu : 14/11/2024 (00:00 Otl)
🌊Ekipa Previzaun Tempu no Eventu Extremu DNMG-MTC
la haluha hato’o BOA SEMANA ba ita hotu🌊
