Manufahi RKM News-loron sabadu (16/11) fin de semana ne’e ministro obras públiku ho Vise Ministro Asuntu Parlamentár Lansa Fatuk dahuluk ba Ponte Karau ulun ho osan $ 2,893,415.89 durasaun tinan ida resin iha suco Tutuluro postu administrativu Same Munisípiu Manufahi.
Ministro obras Públika Samuel Marçal hateten “ha’u la’o haleu teritorio Timor laran tomak povu sira halerik ma bee mós ahi no estrada”tanba sira la presiza kareta diak maibe presija liu maka estrada,ahi no bee mos.
Maun boot xanana hatene muintu ben problema povu nian tanba ne’e programa obras públiku nian apresenta uitoan mós nia la koa.
Tanba katuas ho ferik sei moris sira husu buat ida ba maun boot sira husu estrada bee no ahi karik sira bele hetan netik ahi lakan,estrada di’ak no bee mós iha sira nia suco,nia dehan.
Husu bá veteranos no mate restu sira ita luta ba ukun an liu ona mai hamutuk luta ba dezenvolvimentu tanba todan liu fali uluk iha ai laran.
Vice Ministru Asuntu Parlamentár husu veteranos la bele impede projetu sira
Vise ministro Asuntu Parlamentár Aderito Hugo hateten ativista veteranos sira tenke tau matan ba projetu sira ne’ebé konstrui husi governu.
Tanba halo funu hodi liberta rai ida ne’e povu sira ita manán ona funu ita kontinua luta dezenvolvimentu iha ita nia rain la bele impede projetu sira ne’e tanba povu sira presiza maka estrada di’ak ponte di’ak ahi lakan no bee mós atu nune’e bele fasilita sira lori sira nia produtu ba iha merkadu.
Entertantu partisipa iha lansamentu fatuk dahuk ba ponte karau ulun ministro obras públika ho nia ekipa ,vice Ministru asuntu parlamentár, deputado Inklui komunidade husi Suku Holarua, Letefoho Tutuluro rasik hamutuk ho autoridade Munisipiu.
Reportagem: Ekipa RKM
