ATENSAUN BA UDAN⚠
(BOBONARO (parte CAILACO) COVALIMA (parte FATUMEAN no TILOMAR), ERMERA (parte HATOLIA no ATABAE) no MANUFAHI (parte ALAS)).
MTC-DNMG, ekipa Previzaun tempu no eventu extremo hakarak informa ba publiku katak previzaun tempu ba loron ohin, kondisaun atmosfera sei kontinua persiste instavel assosia mos ho tranzisaun sistema meteorolojiku hanesan: MJO no mos Ondas de Rossby Equatorial, iha ne’ebe sei kontinua favorese UDAN ho intensidade FRAKU ba MODERADU/NATON no bele lokalmente FORTE/MAKA’AS LIU iha Munisipiu sira ne’ebe mak mensionadu ona iha leten. Enkuantu restante Munisipiu sira seluk, intensidade UDAN maioria FRAKU prinsipalmente iha REJIAUN MONTANHOSAS/parte foho, preferensialmente iha período Lorokraik ba inisiu-kalan.
#KONDISAUN ANIN#
⚠ATENSAUN BA ANIN IHA REJIAUN KOSTEIRAS⚠
Intensidade ANIN ba loron ohin sei kontinua permanese hu’u ho velosidade NORMAL ba MODERADU/NATON (10-20 km/h) prinsipalmente iha REJIAUN KOSTEIRAS, tantu iha KOSTA NORTE kuantu iha KOSTA SUL. Enkuantu restu munisipiu sira seluk iha territoriu nasional, kondisaun refere sei varia husi NORMAL (8-15 km/h).
#KONDISAUN LALORAN TASI#
Laloran Tasi nia A’AS ba loron ohin sei kontinua varia husi NORMAL (0.2-0.8 m) tantu iha KOSTA NORTE kuantu iha KOSTA SUL.
🛑Risku🛑
Iha potensia ba mota tun, bee sa’e, deskarga eletrika, ai monu/tohar, estraga uma (uma ne’ebe estrutura ladun metin bele hetan estragus) no seluk seluk tan.
#NOTA_INFORMATIVA#
*Wainhira Udan, Anin boot & Rai Lakan, husu ba populasaun sira atu hadook a’an husi fatin risku sira no buka hela iha fatin ne’ebé seguru.
* Husu mos ba maluk peskador sira ne’ebe mak hala’o hela atividade peska nian no maluk viajantes sira ho transporte maritima hodi tau atensaun maximu ba kondisaun laloran tasi iha KOSTA SUL hodi evita dezastre sira ne’ebe mak ita hotu la espera.
*Kazu emergênsia ruma ou karik presiza halo evakuasaun, mantein kalma nafatin, evita paniku no rona orientasaun husi Autoridade Lokal ou Pessoal Protesaun Sivil ne’ebé besik.
*Akompanha nafatin atualizasaun informasaun kona ba previzaun
Tempu husi DNMG Timor-leste.
AVIZU Emitidu: 18/11/2024 (10:00 Otl)
AVIZU validu: 19/11/2024 (00:00 Otl)
🌊Ekipa Previzaun Tempu no Eventu Extremu DNMG-MTC, la haluha hato’o BOA SEMANA ba ita hotu
