#KONDISAUN TEMPU#
⚠️⚠️ATENSAUN ESPESIAL BA UDAN ho intensidade MODERADU/ ba FORTE no lokalmente FORTE LIU/EXTREMU prinsipalmente iha KOSTA NORTE no REJIAUN CENTRAL⚠️⚠️.
Ekipa Previzaun Tempu husi MTK-DNMG hakarak informa ba publiku katak Kondisaun atmosfa ba loron ohin sei kontinua persiste ho ninia instabilidade atmosferika, iha ne’ebe sei kontinua favorese UDAN ho intensidade MODERADU/NATON ba FORTE no lokalmente FORTE LIU/EXTREMU prinsipalmente iha REJIAUN NORTE no CENTRAL liu-liu ba munisipiu sira hanesan: (AILEU, ERMERA, BAUCAU, MANATUTO, LAUTEM no DILI) inklui parte KOSTA SUL, tantu iha rejiaun foho kuantu iha rejiaun KOSTEIRAS/tasi ibun durante periodu LOROKRAIK ba INISIU KALAN.
Kondisaun atmosfera agora daudauk maioria munisipiu sira iha território Timor laran predominante ho KALOHAN TAKA-UDAN CHUVISKA no lokalmente UDAN FRAKU.
#KONDISAUN ANIN no LALORAN TASI#
Intensidade ANIN ba loron sei hu’u ho velosidade NORMAL (7-15 km/h) kuaze iha territoriu Nasional. Enkuantu Kondisaun LALORAN TASI nia A’AS ba loron ohin sei kontinua permases varia husi NORMAL
(0.2-0.7 m) tantu iha KOSTA NORTE kuantu iha KOSTA SUL.
#NOTA_INFORMATIVA#
*Wainhira UDAN bo’ot no Rai Lakan, husu ba populasaun sira atu hadok a’an husi fatin risku sira hodi evita dezastre sira ne’ebe Ita hotu lá espera.
*Kazu emerjensia ruma ou karik presiza halo evakuasaun, mantein kalma nafatin, evita paniku no rona orientasaun husi autoridade lokal ou pessoal protesaun sibuk ne’ebe besik.
* Akompanha nafatin informasaun kona ba Previzaun Tempu husi DNMG Timor-Leste.
Bulletim emitidu: 27/02/2025 (08:35 OTL)
Bulletim validu: 28/02/2025 (00:00 OTL)
Ekipa Previzaun Tempu no Eventu Extremu DNMG-MTK lá haluha hato’o “BOA SEMANA”ba Ita hotu.
