Manufahi RKM News-tersa fera (16/5) ohin autoridade Munisípiu Manufahi halo abertura ba fera iha parte Dom Boaventura hodi festeza loron restaruasaun independensia 20 de Maiu ba dala ruanulu resin ida (21),
Administradór Munisípiu Manufahi Arantes Issac Sarmento hateten objetivu husi fera ne’e hodi komemora loron restaruasaun da independensia Timor-Leste 20 de Maiu,
Komemora 20 de Maiu ba tinan ida ne’e la hanesan ho kada tinan ita komemora tanba tinan ida ne’e tama ho festa demokrasia iha 21 de Maiu sei eleisaun parlamentar,dehan Administradór Munisípiu Manufahi arantes Issac Sarmento.
Aktividades komisaun organizadora halo hodi loron komemorasau 20 de Maiu maka hanesan desportu,animasaun no fera,
Fera ne’e livre ba aktividades hotu tantu instituisaun estadu no komunidade sira hodi anima loron 20 de Maiu atu nune’e komunidade sira bele hetan rendimentu husi aktividades ne’e,
Alend ne’e komandante komandu polísia Munisípiu Manufahi Joni Viana das Regras iha nia intervensaun hateten polísia prontu asegura seguransa iha 24 horas ba iha fera ne’e,
Polísia prontu hamutuk ho administradór estrutura sira hotu no komponente hotu hodi hatudu ezemplu di’ak iha Manufahi.
Entertantu aktividades fera ne’e abertura iha loron 16 sei insera iha loron 31 fulan Maiu.DCRJ
